بسَم آلله آلرٍحمن آلرٍحيِّم
آلسَلام عليِّكـَم وٍرٍحمة آلله وٍبرٍكـَآته
صبآح آوٍ مسَآء آلخيِّرٍآآت
عندمآ تعآنق حرٍوٍف خآلد آلفيِّصل آلوٍطن فآنهآ تهيِّم بهآ عشّقآ.. وٍتكـَوٍن آجمل وٍآصدق
لن نتحدث عن آبدآع خآلد فيِّ آلقصآئد آلوٍطنيِه وٍلكـَن سَنكـَشّف سَرٍ صدق
وٍرٍوٍعة بل تميِّز قصآئدهـ آلوٍطنيِّه عن غيِّرٍه من آلشّعرٍآء
آن خآلد آلفيِّصل يِّختلف عن آلبآقيِّن فيِّ كـَتآبة آلقصيِّدهـ آلوٍطنيِّه
وٍآلسَرٍ فيِّ ذلكـَ يِّعوٍد آلى آنه عآشّ فيِّ كـَل شّبرٍرٍ من هـــذآ آلوٍطن
فقد عآشّ بغرٍبهآ وٍشّرٍقهآوٍجنوٍبهآ وٍسَكـَن حب شّمآلهآ قلبه
فخآلد آلفيِّصل آلنجديِّ آلموٍلوٍد فيِّ مكـَة آلمكـَرٍمة وٍآلذ يِّ عآشّ بدآيِّآت
سَنوٍآت آلطفوٍلة بسَآحلهآ آلشّرٍقيِّ بمديِّنة آلاحسَآء ثم ليِّعوٍد بعدهآ آلى آلسَآحل آلغرٍبيِّ وٍ
من ثم عآشّ بجنوٍبهآ 36 عآمآ كـَتب خلالهآ آجمل قصآئده وٍمن ثم ذآت آلشّرٍيِّفه آلمديِّنه
آلتيِّ وٍلد فيِّهآ آميِّرٍآ وٍحآكـَما
أنا السعودي
أنا السعودي رايتي رمــــــــز الإسلام
وأنا العرب واصل العروبة بـــــــــــــلادي
وانا سليل المجد من بدأ الأيــــــــــام
الناس تشهد لي ويشهد جهـــــــادي
دستوري القرآن قانون ونظــــــــــــــام
وسنة نبي الله لنا خير هـــــــــــــادي
أمشي على الدنيا وانا رافـــــع الهام
وافخر على العالم وانا اجني حصادي
إذا تأخر بعضهم رحت قــــــــــــــــــدام
واذا توارى خايف قمت بـــــــــــــــــادي
إن جيت ساحات الوغى صرت قـــدام
وإن صرت بلحالي فلانيب عــــــــــادي
واظهر على غيري إذا صرت بــــــزحام
عقيد قوم بـــــــــــــــــــالطبيعة أنا السعودي
البست شعري
البست شعري غتره وبشت وعقال
وخليت تغريب المذاهب لغيري
في ساحتي للفكر مليون مدهال
وبحري بمكنوز المعَرفه غزيرِ
مافي عروقي غير الإسلام مثقال
أموت واحيا به قليل وْكثيرِ
اعتزّ بالاسلام والعمّ والخال
وعلى العروبه والاصاله أغير
آباءنا واجدادنا ذبّوا الجال
والّلي يبي درب المراجل يسيرِ
موروثنا مجدٍ وفخرٍ ومنهال
نبني عليه ونستحث المسيرِ
ماني بمفتونٍ بصرعات الاجيال
مع كل صياحٍ نهبّ ونطيرِ
لي رايٍ امشي به ولي عزم رجّال
ولي لابةٍ إذا بغيت استشيرِ
آل السعود الّلي لهم كل ماطال
ماينزلون إلا الطويل العسيرِ
آل السعود مطّوعة كل عيّال
مايضربون إلا بسيفٍ شطيرِ
آل السّعود الّلي لهم فيْ وظلال
وان شدّت الاّيام غيمٍ مطيرِ
حنا العرب
حنا العرب يــــا مدعين العروبة
وحنا هل التوحيد وانتم له أجنـــاب
وحنـــا شروق المجد وانتم غروبه
وحنا هل التاريخ وأنتم به أغــراب
يوم الفقر شلتوا علينا عيوبـــــه
واليوم عقب النفط جيتوا لنا أنسـاب
ويوم الفقر فينــــا البداوة سبوبه
واليوم صرتوا مثلنــا بدو واعراب
لو الهوى منكم منعتم هبوبـــــه
لا شك رزاق الملا رب الأربــاب
ولو المطر منكم منعتم صبوبـــه
لا شك رزق الخلق من عند وهـاب
جيش الحسد سقتوا علينا حروبــه
كل يبي يزرع على جسمنــا ناب
حرب على المحسن تراهـا عقوبة
بالله عســـاكم ما تفيدون حراب
يا ما عطينــــا ما ندور مثوبه
إلا من اللي من ترجــاه ما خاب
ويا ما نصرنـا صاحب ضيقوا به
عاداتنا نقدم الى مالردى هـــاب
ويامـــا نصانا من تعثر دروبه
يدخل حمانا من تعذرة الأصحـاب
حنـــــا بنينا دارنا من طيوبه
وانتم سلبتوا داركم كل ما طــاب
الله سقانا من بحرنــــا عذوبه
وانهاركم مثل البحر هدر تنسـاب
حنا زرعنا الحب بارض خصوبه
وانتم زرعتوا كره الأجيال بتراب
وحنــا دعينا السلم نوبه ونوبـه
وانتم حمــام السلم بعتوه بغراب
يا من دعا للحرب ما درك خطوبه
لا تحسب أن الحرب تهديد وخطاب
من شب نار الحرب يصلى شبوبه
ومن ثور الفتنة تعرض للأسبـاب
ما يستر الرجــال ملبوس ثوبه
الدين وافعال الكرامــة له ثياب
ما يقبل الرجال بحمـــاه حوبه
مـــا دام له حق وللحق طلاب
يانجد الاحباب
سريت ليل الهوى لين انبلج نوره
امشي على الجدي وتسامرني القمرا
طعس وغدير وقمر ونجوم منثوره
انفاس نجدٍ بها جرح الدهر يبرا
يا نجد الاحباب لك حدر القمر صوره
طفلٍ هلال وبنت اربع عشر بدرا
حبيبتي نجد عيني فيك معذوره
معشوقة القلب فيها للنظر سحرا
فضة شعاع القمر في نجد مسحوره
من شاف لمعة قمر في خدة سمرا !!!!
دستور يالساحل الغربي
دستور ياساحل الغربي
فليت في بحرك اشــــراعي
ياموج هون على قلبي
داعيه من شطكم داعـــي
اللي لها مبسمٍ عذبي
رعبوب وعيونها وساعــي
مملوحه زادها ربي
.لفتة ظبي يوم يرتاعـــي
لوماتهيت على دربي
لقتني بدربها ساعـــي
حنيتها من حمل ذنبي
لي مت وعيونها تراعـــي
قصيده بابها
قالوا تسافر ؟
قلت مليت الأســـفار
لأهل السفر غاية
وأنا غايتي غير
قالوا تصيف ؟
قلت في دار الأخيار
مصــيفي أبــهـا منزل العز والخير
أهيم مع رقصة سحـــابة إلى ثار
وان هبت النسمة وغرد لها الطير
قصيدة نشوة العز
بمناسبة مرور مئة عام على دخول الملك عبدالعزيز الرياض
مرحوم يا شيخ بنى للمجد دوله ودين
....... ووحد قبايلها وعلا بالشرف شانها
عبدالعزيز اللي له القاسي يطيع ويلين
....... تهتز ساحات الوغا لين طب ميدانها
يفخر بها التاريخ وتردد نباها السنين
....... وتشهد لها الخيل الاصايل واشهب اسنانها
لين ضاع راي الناس رايه بالشدايد تبين
....... وان ضاعت الهقوات قاد زمام شجعانها
نادر حرار ما يصيد الا سمين وثمين
....... لي هد ما تفرد صقور الجو جنحانها
من مثل ابو تركي لي ضاقت يسر الحزين
....... يبري العيون من سهرها مل سهرانها
لمعة أمل تلعب على موجة السيف
....... والشط ممدود مثل صادي السيف
والشمس تجلد بالشعاع الصحاري
....... والريح ***ي بالعجاج العواصيف
وفوق البحر موج وفوق الرمال موج
....... والحلم سيف يلمع كفه ارهيف
وقف وظهره للبحر ولنجد وجهه والنظر
.......طويل القامه طويل ذراعه رفيع الهامه وصيته ذاع
في جبينه نز غضاب العرق
....... والخطر والعزم في عينه برق
والأمير المغترب عبدالعزيز
....... لاح نوره في سما نجد وشرق
وانتهض مثل العقاب لا شهر
....... وحولت كل الصقور اللي تحوم
وصار يومه عنده أطول من شهر
....... ملك ابوه وجده الغالي يروم
يطوي الفيافي والنفوذ
....... ينزل ويرقاها سنود
والكايده مهما تكود
....... عزايم معزي تزود
حاولو يثنون عزمه بالكلام والسلاح
....... ردهم بالقول والافعال وروس الرماح
على الركايب وفوف الخيل
....... غارت جيش وخياله
صباح والا هجاد الليل
....... ما احد تهنى بمقياله
الهجن من فوقها شجعان
....... اسود ونمور وذيابه
السيف والرمح جاله شان
....... وردو على الموت حرابه
الحكم لله ثم لعبدالعزيز
ستين قرم قادهم عبدالعزيز
ستين شهم عالي الجبهه عزيز
تالي الليل من قبل الصباح
كل شي سكت الا النفس مثل الرياح
وللقلوب دفوف وللعيون سيوف
.....و للهقاوي صياح
تخطو نخيل وبيوت والقصر الطويل
تعلو الخوف والموت والهم الثقيل
ثارت بنادقهم وصاحت حناجرهم
...والتفت الساق بالساق وطاحت اعناق
.....و ارتفعت اعناق
ولاح الصباح ودعى داعي الفلاح
....... وأذن على قصر الحكم علم وعلم
الحكم لله ثم ابو تركي الامام
....... عبدالعزيز النادر الحر القطام
قامت العرضات والعز انتشى
....... والنساء في كل بيت غطرفت
والفرح في كل خفاق وحشى
....... والركايب بالرسايل بشرت
يا رياض المجد نجم العز ناض
....... انشر الفرحه على باقي الرياض
الحسا و أبها وحايل والحجاز
....... الوطن يا راية التوحيد فاز
ليتك يابو تركي تشوف دارك هنوف
....... دارك على الدنيا تنوف
ليتك تشوف عيالك ليتك تشوف رجالك
....... اللي على اساسك بنو واللي على دربك مشو
في كل قريه دار للعلم وضمان
....... وفي كل شارع دار للمال وأمان
في كل حي مسجد وفي كل صوب معهد
....... والنور عم اقصى البلاد
وكل وادي له طريق
...حتى البحر جانا حلو
......حلاة مختوم الرحيق
منا على روحك يابو تركي سلام
....... لو كان ما تسمع لنا صوت قريب
يا عالي الهمات لاشتد الزحام
....... يا صانع الآمجاد يا الشهم المجيب
يا جابر العثرات في صبح الظلام
....... يا ناصر المظلوم يا ملجا الغريب
الحلحيل عنده ينتهي الكلام
....... سيرة حياته كلها عطر وطيب
يا دار حقك علينا
......لي زما العايل زمينا
اوبريت الجنادريه
نـجــد أنــــا والـفـخــر والـمـجــد أنــــا
مــا أبــي غـيــر مـــن رأســـه عـزيــز
دونــــي الــمــوت والـسّـيــف وقــنـــا
مـــا أبـــي إلا أنـــت يـــا عـبــد الـعـزيـز
ولاح فــــي نــجـــد بـــــرّاق الـبـشـيــر
يـــوم قــيــل إن أبــــو تــركــي مــشــى
إن شـهَــر كـــل صـقــر مــــا يـطـيــر
وإن مـشــى كــــل ذيــــب لــــه عــشــا
يـــا ريــــاض الــعــرب غــنّــي طــــرب
ويـــا قـصـيـم الـسّـعــد جــــاك الــوعَــد
واقـبــلــت حــايـــل تـــــرد الـنـشـيــد
فــي هــوَى الّـلـي عـلَــى الـكـايـد عـنـيـد
يــا راعــي البـيـرق تـقـدم لاتـعـوق المسـيـر
لا تـاقـف* إلا عـقـب توحـيـد الـوطــن والـسّــلام
حنّـا هــل العـوجـا لـنـا بالـحـرب يــوم ٍ كبـيـر
عاداتـنـا لَــى ثــوّر الـدخَّــان مـثــل الـظّــلام
وبـالـتـوحــيــد وحّـــدنــــا الإلـــــــه
وحّــــــدنـــــــا الــــــوطـــــــن
أنـا الحـسـا أنــا النخيـل...أنـا العـيـون الجـاريـه
مـا للهوَى يمّـك بديل....يـا ابـن الأسـود الضّـاريـه
وأنا موجة خليج ..عبر بهـا شيـخ القبايـل والفريـج
من الساحل الشّرقي إلىَ السّاحل الغربي...لهـا عطـر وأريـج
وأنا الكنز الدفين علَى موعد مع التوحيد والتاريخ والملك الأمين
يـــا مـرحـبـا تـرحـيـبـة الـعـيــد الـجـديــد
بـالّـلـي رقَـــى ســـور المـعـالـي وانـتـصــر
يــا مرحـبـاً يـــا جـامــع أطـــراف البـعـيـد
يــا غـاسـل قـلــوب الـمــلا عـقــب الـكــدر
مـلّــيــت مـــــن حــكـــم الــغــريــب
مــلّــيــت بـــوقـــات الـــسّــــروق
يـــامـــا نــطَــرتـــك يـالـحـبــيــب
قـلــبــي عــلَـــى وصــلـــك يـــتـــوق
وبـالـتـوحــيــد وحّـــدنــــا الإلـــــــه
وحّــــــدنـــــــا الــــــوطـــــــن
أنـــــا الـجــنــوب دربـــــي عــســيــر
وأصــبـــح لأبـــــو تــركـــي يـســيــر
مـرحـبَّـا ألـفـيـن يـــا شـيــخ الـشـيـوخ
صافـحـتـك الـــرّوح مـــن قــبــل الـيـمـيـن
شـامــخ والـشّـيـخ مـــن فـــوق الـشّـيــوخ
كــل عـاصــي لَـــى وصـــل عـنــده يـلـيـن
مـــــن قــلـــب الـــرّبـــع الــخــالــي
مـــــــن راس الـــسّــــوده الــعــالـــي
أخـــــذت ضـــيـــم الّـــلـــي لـــفـــا
راعـــــــي الـطّــويــلــه والــــوفــــا
ومـــــن نــجـــران ومـــــن جــيـــزان
وقــلـــب الـبــاحــه لـــــك ولـــهـــان
ورد وكـــــــــــادي وريــــــحــــــان
وفـــــل وتـهــامــه بـــــك فـــرحـــان
الـجـبــل والـسـهــل والـســاحــل يـغــنــي
والـشـجــر والـمـطــر والـطـيــر طــربـــان
كــــل قــلــب يــنــام الـلـيــل مـتـهـنـي
نـحـمــد الله عــلــى تـوحـيــد الأوطـــــان
أنــا الحـجـاز ....سـيــدي ولا دونـــك حـجــاز
عـبـد العزيـز...يـا مــن بـحـب الـقـلـب فـــاز
وأنـــا مــكّــه ...أنــــا مــهــد الــهــدى
وأنـــا طـيـبـه ...مـديـنــة مــــن هــــدى
وأنـــــا الـطّــايــف أنـــــا ورد الــهـــدا
وأنــــا جــــدّه عــلــى خــــدّي نــــدى
قــابــلــنــاك بــــكــــل الــــحــــب
عــاهــدنـــاك بــــكــــف وقــــلــــب
وحــيّـــيـــنـــا روح الــتّـــوحـــيـــد
وأيّـــدنــــا عــــهــــد الــتّــجــديــد
يــــــــا إمـــــــــام الــــعـــــدل
حــقّــقـــت الــعــدالـــة والأمــــــــان
يــــــــا كــــريــــم الأصـــــــــل
أصّـــلــــت الــكــرامـــه والــكــيـــان
أول أمــــــــــــه عــــربــــيّـــــه
فـــــــي الــعـــصـــر الــحـــديـــث
تــعــلـــن دولــــــــة إســلامـــيّـــه
قـــــــــــــرآن وحــــــديـــــــث
غـــاب الأســـد ...وخـلّــف أســـود تـــزود
لطّـامـة العـايـل* أصـايــل عريـبـيـن الـجــدود
أنـــــا الــيـــوم ...والــيـــوم أنــــــا
عهـد الفهـد أحلـى العهود...جيـل الفهـد جيـل الفـهـود
يـافـهـد يـــا شيخـنـا....فـي يمـيـنـك سيـفـنـا
أضــرب القـاسـي يلين...يتبـعـك شـعــب أمـيــن
شـرعـنـا فـــي ذا الحياه...مـانـخـاف إلا الإلــــه
حـكّـامـنـا مـنّــا....يــا ســائـــلٍ عــنّـــا
الـمـلـيــك المفتـدى...والـعـضـيـد الـمـقـتــدى
عـــزا الـصّـديـق الّـلــي تـحـاشــاه الــعــدا
عبـدالله سهـم الفرسان...والسـيـف القـاطـع سلـطـان
نبـنـي ونعـلّـي البنيان...ونفـاخـر كــل الأزمـــان
نبـنـي المعـهـد ..نبـنـي المصنع..نبـنـي الإنـســان
واحتـفـظـنـا بالقيـم....واشـتـهـرنـا بـالـشّـيــم
واكتسبـنـا مــن عـلـوم العصر....نـوعـيّـه وكـــم
مـا تبهرنـا لمعـة بـرق...ولا قلّدنـا غــرب وشــرق
المـبـدأ ثـابـت إسلامي...والمنـهـج واضــح قـدّامـي
واصبحـنـا مـصـدر إشعاع...بالـمـوروث وبـالإبــداع
يا ملاذ الخايـف يـا بلادي...يـا فخـار أجـدادي وأحفـادي
خـــيـــر ونـعـمـه...ورفـعــة ســمــعـــه
وعــلـــى الله تـوكّـلـنــا ...ولله تـوجّـهــنــا
والـمـانــع الــلّــه ...والـمـعـطــي الــلّـــه
12-18-2012, 05:35 PM
خالد الفيصل
(إظهار)
الاعضاء الذين قاموا بقراءة الموضوع منذ 11-22-2024, 05:33 PM
(تعيين) (حذف)
العرض العادي
