شوفوا لو البنات هم اللى يخطبون الشباب

مجرد قصة للضحك

اليكم الموضوع :

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك..

الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. . ترد انت بكل خوف : خير يمايه؟ .... تقول امك: ترى جارتنا ام خالد تبي تخطبك لبنتها. وانت ماشاءالله كبرت و احلويت وكلن يبيك. هااا وش رايك؟ .... ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: .... الراي رايك والشور شورك يايمه..
تقول امك: انا بصراحة ما اشوف في البنت شي. . ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها اي خلاف
تقول انت : بس يا يمه هي ما شافتني من اول. (والله عيب بس بكمل)
تقول امك: هي شافتك و انت نازل من باص المدرسة (الله اكبر يالروز رايز)... بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
و تراها هي و امها جايين يوم الخميس علشان يشوفونك..
تسال انت: ان شاء لله يا يمه ابوي وش رايه؟ تقول امك: ابوك ما يدري خليه حايس في المطبخ الله يعينه.. تقول انت :اللي تشوفينه يمه. .وتطلع امك من الغرفة وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري) و تقول : آه اخيرا حسَت و خطبتني. ( لا لا لا والله ما يصير بس بكمل) و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك .ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: واي واي يابويه انا استحي ابوك يقولك وهو يطق على كتفك و يضحك يا ولد روح لعروسك إهئ إهئ تقول انت: ياابويه دايما تحرجني انت واي واي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة) ترد هي بعد ما وقفت و عليكم السلام ( و هي تناظر فيك و في كل قطعة فيك) ... و تقولها تفضلي.... تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو تقول هي: اكيد كله حلو لانك انت اللي مسويه
ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه الا اخوانك يستنونك و يقولون: ها وشوه شكلها
تقول انت: واي واي تهبل تهبل حلوة و دمها خفيف و ذوق اهههههااي
الا ابوك من المطبخ . (يزغرط بالمصري) لللللللوووولللللوووووشششششششش مبروك يا ولدي
الا بدخلة اختك واصله من بره و حاطه عبايتها على كتفها و تقول : خير وش فيه !! يقولها ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي شباب آخر زمن
<<< والله وصرتم يالبنات تقولونها الا بدخلة امك و تسطر اختك كف و تطلع اختك بالسيارة و تفحط و تروح من البيت زعلانه يالبنات
<<<<..تخيلوا عاد و تمر الايام و انت تجهز ثوب العرس و الكوشة وبيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت)
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه صيته او العنود اوسارة وشوي الا العفسة قايمة : ترى العروس جايه وينطون الرجال و الشباب كلن يلبس غترته بدل الطرح والعبايات طبعا ويتلثمون.. و تدخل العروس مع امها و خواتها (خواتها يتميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمرثم تلف وجهك وانت مستحي
وبعد شهور وبعد ما يجيك عيال الله اعلم مين اللى بيحمل و ترجع لبيتك تربي عيالك و تطبخ الغدا لزوجتك وتتخانقون ساعات ثم تخرج زوجتك من البيت وهي زعلانه طبعا وانت تحاول تمنعها من الخروج وهي زعلانه وبعد خروجها تنتظر رجعتها الين قبل الفجر وفجأه تاخذك نومه و دمعتك على شنبك 0000 ههههههههههه

هااااااااااا اشرايكم

............