صينيه ارز محشيه بالدجاج فى الفرن

02-14-2007, 02:18 PM

المقادير

_دجاجة صغيرة مسلوقة مع بصلة مقشرة يعني تقشري البصلة وتحطينها كاملة مع الدجاجة علشان

ريحة الزفر وبعد ما تستوي تبلحينها وتخلينها على جنب

_علبة كريمة حامضة طبعا على حسب الي أنتي تحبي المقدار تحبي تزيدي او تنقصي مو مشكلة

لانه بعضهم ما يحب الكريمة واجد لانها دسمة

_نص باقة كزبرة ونص باقر سبنت مفرومين ناعم

_ثلاث حبات بصل متوسطة مفرومين مكعبات

_ثلاث كاسات بوك رز الحبة الطويلة

_مكعبين ماجي

_ربع علبة زبدة

_ملح حسب الذوق

_ملعقة تشاي سماق الأحمر

الطريقة

ناخذ الرز بعد ما نغسله ونخليه مباشرة على الغاز مع الزبدة علشان لا يتكسر وأحنا نحركه
وبعد خمس دقائق من التحريك نخليه عليه الماجي ونحركه لمدة خمس دقائق ثانيين طبعا على نار هادئة
وبعدين نخلي نصف الكزبرة ونصف السبنت المفروم ونبقى نحركة لخمس دقايق بعد يعني كلهم على بعض ربع ساعة تقريبا وهادي صورة الرز مع الزبدة والماجي

بعدين ناخذ ماي الدجاج المسلوق نصفي ونخليه فوق الرز طبعا لكل كأس رز حطيت كأسين ماي لانه الرز مو منقوع يعني يحتاج ماي أزيد وهادي صورة الرز مع الماي

ونستنى لحتى ينشف الماي ويستوي الرز يعني كأنك تسوي رز المجبوس ونخليه على جنب لحتى نسوي خلطة الدجاج ويطلع بهالشكل

نجي للدجاج نقلي البصل أول لحتى يصير لونه أحمر بهالشكل

بعدين نحط عليه الدجاج المسلوق والمبلح ونصف الخضرة الي بقت عندنا (الكزبرة + السبنت)

بعدين نخليه على الدجاج السماق الأحمر وملح حسب ما أنتي تحبي وبعدين نحركه حتى تمتزج المقادير مع بعضها يعني مدة خمس دقائق لا أكثر

الحين نجيب بايركس ونخليه نصف الرز الي طبخناه في أرض البايركس

بعدين ناخذ الدجاج ونخليه فوق طبقة الرز الأولى

بعدين ناخذ النصف الثاني من الرز ونخليه فوق الدجاج

بعد ما نخلي الرز نجيب الكريمة ونخليها فوق الرز ونفرشها عليه كامل

والخطوة الأخيرة تاخذي البايركس وتخلي في وسط الفرن مدة عشرين دقيقة على درجة 180 أو لحتى تشوفين الكريمة صار لونها أشقر

نهى · 02-15-2007, 09:34 PM

دمتِ وسلمتِ غاليتي على الوصفه

في تطلع للقاااااااادم

نهى · 02-15-2007, 11:31 PM

مشكورة اختي على الوصفه اللذيذه

ننتظر مزيد من الوصفات

نهى · 02-17-2007, 02:32 PM

رائعه اختي

طريقه بجنن وكمان سهله

تقبلي مروري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بطاطس محشيه بالكفته	شاادن	:: أطباقي الشهيه من مطبخ نعناع ::	8	04-18-2013 11:24 PM
صينيه كرات البطاطس والدجاج,طريقة عمل صينيه كرات البطاطس والدجاج موقع نعناع	دنيا المحبة	:: أطباقي الشهيه من مطبخ نعناع ::	6	06-06-2012 06:10 PM
سمك في الفرن	نهى	:: أطباقي الشهيه من مطبخ نعناع ::	6	08-09-2007 04:59 AM
^ بطاطس في الفرن محشوة بالدجاج ^	نهى	:: أطباقي الشهيه من مطبخ نعناع ::	6	01-16-2006 09:26 PM

الذين يشاهدون محتوى الموضوع الآن : 1 ( الأعضاء 0 والزوار 1)

(إظهار) الاعضاء الذين قاموا بقراءة الموضوع منذ 11-18-2024, 06:45 AM (تعيين) (حذف)
لم يقم احد بقراءة الموضوع بعد.

الإهداءات
إضافة إهداء

صينيه ارز محشيه بالدجاج فى الفرن

:: أطباقي الشهيه من مطبخ نعناع ::