تشيز كيك بصوص الفراولة

مقادير تشيز كيك بصوص الفراولة :

علبتين كبيرة بسكوت شاى



معلقتين كبيرة زبدة طرية

* خلطة التشيز

علبتين جبنة كيري 8 قطع الواحده

كوب كريمة حلويات

4 معالق سكر بودرة

معلقة فانيليا

معلقة كبيرة جيلاتين

*صوص الفراولة

1/2 ك فراولة طازجة

1/2 علبة مربى

معلقة كبيرة جيلاتين

1/4 كوب ماء

3 معالق سكر

———-

فى الخلاط الكهربائى نفرم فيه البسكوت لغاية مايبقى بودرة تماما ونضيف عليه الزبده ونقلب كويس لغاية مايتجانس الخليط تماما “يبقى شبه الرملة المبلولة”

نحط البسكوت فى صينية من اللى هى جوانبها بتتفك او الجزء اللى تحت بيتشال من الصينية ونكبس البسكوت فى الصينية لغاية مايبقى على مستوى واحد ومضغوط تماما

ندخله الفرن على درجة عاليه فى الشبكة الوسطى لمدة تتراوح بين 8 دقايق الى 10 دقايق

نطلعها ونسيبها تبرد *خليط التشيز

نحط الجبنة كلها فى طبق ونقلبها كويس

نضرب الكريمة لمدة 5 دقايق بالمضرب الكهربائى ومانكترش فى الضرب علشان ماتتحولش لزبدة

نحط الكريمة على الجبنة وعليهم الفانيليا وعليهم السكر وبالمضرب الكهربائى نضرب كويس لغاية مايتجانس الخليط ويبقى ناعم

ندوب الجيلاتين فى معلقتين ماية سخنة ونضفيه بمصفى سلك و ننزله على الخليط ونقلب كويس لغاية مايتجانس مع الخليط تماما

نضيف الخليط على البسكوت اللى فى الصينية ونساويه تماما وندخله التلاجه لمدة 4 ساعات لغاية مايجمد تماما ونضيف عليه صوص الفراولة *صوص الفراولة

فى حلة على نار وسط نضيف المربى مع الماية

نقطع الفراولة لصغير ونضيفها على خليط المربى اللى على النار وعليهم السكر ونقلب كويس ندوب الجيلاتين مع معلقتين ماية سخنه ونضيفها على الخليط بعد ماتتصفى بمصفى سلك نقلب الخليط لغاية مايغلى والفراولة تدوب نوعا ما فى الخليط ونصفى الخليط فى طبق عن طريق مصفى سلك

ونضيف الصوص اللى طلع على التشيز كيك ونهز الصينية شوية لغاية ماكله يبقى مستوى واحد تماما وندخلها التلاجه لمدة 4 ساعات

ويتقدم ..