الي يبي يتزوج . . نصائح للشباب

السـلام عليـكم
ورحمـة اللـه
وبـركـاتـه









عزيزي العزوبي : <<< عبارات اسبوع
العزوبيه <<< على غرار أسبوع الشجره.
لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تطمر لأمك وانت مشبك اصابعك ومميل رقبتك
وتقول ( دوروا لي ابي اعرس ) ، ابي اكمل نصف ديني.
مع اني ما ادري عنك ونصفك الاول فما بالك بالنصف الثاني.
يا نصفي الثاني معقوله تنساني

ومن يوم تقول الوالده خلاص بندور لك ، تصير
ذاك الشاب الحبيب الرحيب السمح اللي بااااله طويل.. ما يتأفف إذا
وصلهم مشوار ، و يوصلهم للزواجات بكل رحابة صدر .. ويسألهم اول ما
يركبون طالعين من العرس ومنتهية لياقتهم .. هاه بشروا ؟
عسى لقيتوا نصفي الثاني >>>>> تكفى يا وائل كفورى

قبل ان تتخذ قرار الزواج .. رح صلح
شاهي وجب لك مركى وتعال اسمع وش باقول لك . لأن الموضوع طوووويل
وانصح اللي فاتورتهم عاليه يقطع الخط ويقرأ .

أنصحك بعدم التفكير بالزواج مطلقا وبتاتا البتة ،، لكن فيه ناس ما يسمعون الكلام هذي النصائح لهم:



*·~-.¸¸,.-~* اثناء الخطبة : *·~-.¸¸,.-~*
هناك بعض التكتيكات التي تساعدك على الظهور بمظهر جيد في عيون مدام المستقبل وعيون اهلها


1 –
انضبط وابدأ صل بالمسجد .
واجعل المحافظة على الصلاة تحول دائم من الخطبة إلى آخر عمرك.
لان اهل البنت يبي يسألون شيبان المسجد ويقولون تعرفون
فلان .. لذلك صل وابد ( طلطل ) بوجيه المصلين كأنك تدور
اخوانك.<<<< ما احب هالحركه.

2 –
لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم ، وتتكلف باللبس بحيث
تظهر كأنك طايح من الجدار ومجبّص كلك.. صاير شاقص ومشصّب وما تلتفت
إلا كلك كانك ضبعه في Discovery channal

لأن الخطيبة مصيرها تعرف ان السياره مو سيارتك وبالتالي
تطيح من عينها .. يا اخي إن رضت فيك كما انت وإلا بكيفها .. تلقى
نصيبك وتلقى هي نصيبها .. وخل عنك فلم احمد زكي ( أنا لا اكذب ولكني اتجمّل )
<<< تراه ودى ناس كثير بداهيه.

3 -
اثناء الشوفه لا تستحي ابدا و قز البنت من راسها
لرجليها ولا يهمك ابوها واخوانها لأن الشرع ( يدعمك ) وان قالوا
شيء .. قل لهم حديث الرسول صلى الله عليه وسلم
" فلينظر اليها وتنظر اليه فأنه احرى ان يؤدم بينهما " <-- احفظه زين

مع ان الشوفه ما هي إلا مؤشر للراحه النفسيه إلا انها ( لا تعكس) الصورة الحقيقية
لشخصية الفتاة .
لأن البنت غالبا في الشوفه ما تتكلم وحتى لو تكلمت فهي تتكلم بتكلف .
وكما قال الشاعر
( لسان الفتى نصف ونصف فؤاده **** فلم يبق الا صورة اللحم والدمِ )

وإذا ماعجبتك البنت من النواحي الشكلية..لا تقول لنفسك " تزوجها والحمد لله ..
وإذا حسيت شيء بقلبك لا تجامل وقل لهم ما الله كتب.

4-
في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة
داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟
وش تسوين ؟ انت على السرير وإلا في المقلط ؟ << يخرب بيت السؤال ؟
ليش تلفونك مشغول ؟ من كنت تكلمين ؟


لانك بعد فترة وجيزه بتطيح من عين البنت وانت تميلح .
ويمكن تحسف انها وافقت عليك ، وتفسخ الخطبه.

5 -
لو ( كتبت كتابك ) على البنت قبل بفترة وبديت تأثث بيتك
.. لا تاخذ البنت إلا علشان تختار غرفة نومها بسسسسسسسسس ، وإلا
باقي الاثاث اختاره انت وإلا خلها هي اللي تختاره كله ..

لانكم إذا بديتوا تطلعون مع بعض تختارون الاثاث .. فراح
يطلع الاثاث مشكل تشكيلة عجيبه والوانه
كأنها
( شرّاب تكرونيه عند الحرم )..
لانك جاملتها في اختيارها وهي جاملتك
واخترتوا ( حلول وسطيه ) وسويتوا
comprise تسويه ولهذا طلع الاثاث ملخبط .

وقبل ما تأثث قرر وش راح يكون ستايل
اثاثك ( كلاسيك ) او ( مودرن ) او ( سعودي )
.. ولا تقعد تخلط بالاثاث ..
كلاسيك مع سعودي مع مودرن فيطلع بيتك شوربة كوارع.
كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ
3000 الاف والكنبات بـ 5000 الاف .. يعني ما فيه توازن وتروح تشتري
لوحه ثانية من ( حلة بن دايل ) بــ 20 ريال ، ومن ايكيا بــ 150
ريال .. فيصير بيتك كأنه
( حراج ابن قاسم )
من كل بحر قطره.
فتصير مثل اللي بيتهم طين وعندهم
( رولز رويس ).

خلى مستوى الاثاث كله متناسب مع بعض .. واسعاره متناسبة
ايضاً ويمكن تأجيل شراء
بعض الامور إذا حسيت انك بديت
( تطفر).

6 –
اياني وياك تظهر بشكل مثالي في الخطبة بل خلك على
طبيعتك ، بحيث تقول للبنت هذا اناااا ..
مو تصير حبيّب بالخطبة
وصدام بعد الملكة.



«®°·.¸.•°°·.¸¸.•°°·.¸.•°®»ليلة الزواج : «®°·.¸.•°°·.¸¸.•°°·.¸.•°®»

ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر
راسك.. خلك طبيعي مثلي ولا تكثر من شرب الشاي والقهوة ليلة
العرس بعدين تنتفخ مثانتك ، فتتورط ، لانه صعب إذا رحت جلست مع
العروس على ( الكوشه )
.. فجأه تقوم تقول بعد اذنك باروح الحمام .. صدقني
راح تقول البنت إللي هذا اوله ينعاف تاليه .. فلنفرض انك قمت من الكوشه ؟؟
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟ بالعربي .. انت بتبلش بلشة ما بعدها بلشة

أما إذا رجعت بيقولون الحريم ( جاه اسهال من الخوف من المدام )
اجل إذا راحوا الشقة بلحالهم وش بيسوي هالخواف.؟
فتصير علك في فم الرايح والجاي وملطشه للصغير والكبير.


2 –
ليلة العرس ارفق على سيارة الرجال اللي انت متسلفها منه
.. لانك ممكن تصدم لانك ما تعودت انك تكون بسياره كشخه وجنبك
بنت. <<<<<<< وش دراك؟

3 -
خلك ذوق واسحب يد البنت وحطها على
( القير حق السياره )

وحط يدك فوقها ولا تكثر تفغيص يدها لانك بتتهور وممكن
يصير لك شيء وإلا يجيك ( شد عضلي ) بعدين تصدم باشاره >>>
لاحقين خير ان شاء الله .. لا تتصربع الله يسلمك..

واذا حطت يدها عليك لا تخاف .. ثم تقول لها
( فكي وافك ) لوووووووووول


4 -
إذا جيتوا تدخلون البيت .. افتح الباب وخلها تدخل قبلك
وامزح معها شوي ( خشي برجلك اليمين ) وبعد ما تدخلون ( ارقع ) ذيك الزغروته
اللي تهز اركان البيت .. ثبت الله اركانك .


سواليف ليلة العرس : <-- مليت من الزخرفة

يحتار الكثير من الشباب في أي المواضيع يطرح ليلة الزواج وبرأيي انه
بالامكان طرح مواضيع تتعلق بذكريات الخطوبة .. والابتعاد عن
المواضيع الرسمية .. بمعنى تجنب الآتي :

1 –
انتبه تتميلح او تنكت اكثر من اللزوم لان الموضوع
سينقلب ضدك وبدال ما تصير وش زينك
تصير ( كخا ).

2 –
انتبه تجيب طارئ ( أمك ) ليلة العرس ، وتقعد تقول لبنت
الناس من اول ليلة ( انا بصراحه امي أغلى امرأة عندي بالعالم )..
انا امي بصراحه ابيك تشيلينها فوق راسك ، انا امي بصراحه ما ابي
احد يزعلها ، انا امي بصراحه مالها غيري ..
الله ياخذ بليسك انت وامك لا هالحين ادخل والسبك بالعقال
<<<<<<<< يعصب احيانا بدون سبب مقنع .. ما عليه رجعت طبيعي .. نكمل ..
مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك
تجيب طارئ امك ، ممكن تأجل الموضوع لليلة اخرى.

3 –
امدح مكياج المدام ، وفستان فرحها لانها تعبت شهور حتى
تظهر بهذا المظهر اللي انت تتمتع فيه انت وعيونك المغمصه ..
حتى لو كنت ( كمخه ) في مواضيع الذوق واللبس ولا تفهم فيها شيء امدح
وخلك عباراتك فيها صدق بحيث تكون ( الكذاب الصادق )
..
فهذا من شأنه انه يحسس المدام انها جميله بعينك ، ويرفع
روحها المعنوية ، ويخليها تهضمك يا ابو كوع ( بني )<<< مفروك لين قال بس فتغير من اسود الى بني .

4 –
انبته ثم انتبه انك تصير
عاطفي او تخق ومن اول ليلة تقول للبنت ( بصراحه انا احبك وميت فيك )
.. لانها مؤكد انها مو مصدقتك ( ما امدى بسم الله تحبها ).
بصراحه كثير من الشباب محروم من ( كل شيء ) <<<
وافهموها ..
واول ما نلمس يد تختلف عن يد
صديقك ( الضب ) .. نخق وبسرعه نسعبل ونقول : آآآه الله لا يحرمني
منك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .

خلك ثقل وخل سلوكك هو اللي
يقول للبنت اني احبك مو اساليب ( قردنه )
احبك بعدين تقول لها

معاني الكلمات : قردنه : محاولة اقناع جاده



ملابس ليلة العرس :

1 -
بعد ما تفسخ ثوبك وشماغك وعقالك .. تروش الله يصلحك لانه ممكن ريحتك
تكون طالعه وانت ما تدري من كثر السلام والقلق اللي عشته في قصر
الافراح ولا يهمك انك راش لك كم ( بخه ) على الشعيرات اللي بصدرك .
تنظفوا ( لمتي ) اعلمكم ... همااااه ؟

بعد الانتهاء انتبه تلبس ملابس تظهر مفاتنك .. مثلا تجي بلبس داخلي
وفانيلة علاقي وتصير كأنك من ذولاك اللي اسود وابيض ويتطببون على
المسبح في النادي من جماعة ( هاااااااااااااااااي شله )..

2 -
انتبه تصير قروي وتلبس سروال ابو حبل
ذاك اللي يخليك كأنك بقره رايحين يبيعونها ، او بيجامة نوم مخططه
فتصير كأنك ( حمار وحش )
يتكلم عربي.

اختر اللبس المناسب لجسمك ..
مثلا شورتات رياضيه اذا كان جسمك رياضي
.. وإلا اذا كنت دب فخلك بالعقال والشماغ والثوب استر لك وغير
ملابسك إذا نامت المدام..
وفاجأها في الصباحية .
إذا كنت سمين البس ملابس فضفاضة شورت وفانيلة

3 –
للإحاطة فإن قمصان النوم النسائية ( مشققه ) وشفافه وكلها حركات .. انتبه يسول
لك ابليس وتقول ( اففف البنت خربانه ) .. من هالحين لبست كذا؟؟
ترى الموضة كذاااااا وتطوروا بأأأأأأ عجزتت اعلّم فيكم .

إذا لبست لك المدام ( قميص نوم راااايق )
ترى مو معناهاااا ( طب عليّ ) .. خلك ثقيل وإلا جيت هالحين أربط ثقالات برجليك.

ترى سمعت بقصه ان واحد طلق الزوجه ليلة
الزواج بعد ما شافها لبست له ( لبس مشخلع ).. قال العم : اكيد انها
داشره ؟ وحركاتها ما ني متطمن لها << طيب يا كولومبو.
<<<<< احتمت ( كبدي ) يوم سمع القصة من القهر .

بعد الزواج:

1 -
اليوم الثاني انتبه تستقبل أية زيارات من الاهل .. او
من اهلها .. واعزمها في مطعم راقِ ولا تجلس تجرجر بالبارتشنز وتقعد
تناظر فيه فتحه صغيره مع هالجهه او مع ذيك .. وتسدد فيها وتصير
كأنك مهندس ( صنادق حمام ).
اركد وخلك طبيعي وإلا قالت البنت وش ( هالعومه ).

2 -

في ليلة اليوم التالي غالبا يكون فيه عشاء عند اهل
الولد تعشوا واطلعوا ورح انت وياهااا ( كوفي شوب ) وانتبه تقرأ
الجرايد او المجلات , وعطها وقتك كله.

<<<<<<< آل يعني الثقافة مقطعه بعض ..
طرّاه انه بيقرا مجلات وصحف في اول عزيمه بكافي شوب.

3 – اليوم الثالث :
حاول تسافر بها عمره
بعدين لمدينة جده لسكان المملكة العربية السعودية .. او مدينة اخرى
لسكان الخليج .. او ( لقريح وابو زنه لباقي الدول ).

4–
انتبه تسافر بالمدام شهر عسل .. لا يلعبون عليك .. شهر العسل برأيي يؤجل إلى ان يتم دراسة
المرأة هل هي تكانه وإلا ( برتكانه ) .؟؟
بعدين ممكن تصير مواقف
بالسفر ما تلقون لها حل .. او سوء فهم فما يترقع بعد ما ترجعون .
شهر العسل اصلا بيكون كله مجاملات ولا تهمك الافلام الهندية
تقعد تحسب انك تبي ( تدربي ) من فوق جبل وتمطر عليك انت وياها
وانتم ترقصون.
ترى كله ( كوذاااااب × كوذااااب ) هيااااا سمعت
مني وإلا .. لا ؟؟؟ اللللللله يستتتتتتورررر عليك. <<< يجيد اللهجات المحلية.

وابدا بالمدام بالمدن القريبه ثم ابعد فابعد إلى ان توديها إلى ( هاواي )
إن بغيت .. هذا كله مثل ما قلنا إذا صارت تكانه .. يعني ايش تكانه ؟ يعني ماهي علة وريد،
او لحوح لدرجة تقترب من صفات ( القراده ) او ( غيور وشكاكه )
لدرجة ان عيونها تلاقط في كل مكان.
إذا صارت احد الانواع السابقة فشقق جوازك وما جاك عندي .





عزيزي الشاب اتمنى ان تكون استفدت من
التلميحات السابقة ..
وعموما تظل هي رأي يعكس ... فقط ..
ان بغيت تستفيد من شيء
منها وإلا اضرب بها عرض الحائط وما جاك
عندي




وسلامتكم

تسلم حبيبي على الموضوع


<<< غاسل يده من الزوااااج

هههههههههههههههه

انا عن نفسي مره ما ابا اتزوج

ههههههههههههههههههههههههههههههههههههههه
ههههههههههههههههههههههههههههههههه
هههههههههههههههههههههههه

اعتزال الزواج هههههههههههههههههههههههههههه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه


احسلك والله ومو احسلك والله

تسلم حبيبي على الموضوع

الله يسلمك يا ولد جده