مقناص وبران ونيص

بسم الله الرحمن الرحيم

اخواني واخواتي الاعزاء

السلام عليكم ورحمة الله وبركاته

مساكم / صباحكم ... عسل يا احلى اعضاء بالمنتدى .

اليوم جايب لكم تقرير رحلتي يوم الاربعاء والخميس 4 و5 /7 / 1431هـ. طبعا شغلت السيارة وتليتها الى ارض المقناص وكان برفقتي سيارتي وعزبتي وبندقي .

المهم جيت ارض المقناص يوم الاربعاء الساعة 8 ونصف صباحا . ولقيت ربعي اهل الديرة مستقبليني وصراحة ما قصروا الله يعطيهم العافية والصحة أكرموني .

نزلنا العزبة وصلحنا هاك الفطور الخفافي . طبعا ماصورت .

بعد الفطور اخذت بندقي ادور على السيد وبر والقى ثلاثة وتدخل اثنين ويبقى واحد كلخ . وارميه رميه محترمه الا هو موقع على جنبه . واقعد شوي الا والثاني يطلع واسوق عليه البندق واخطيه جات من تحت خشته لأنه كان بعيد مره . والمكتوب لك بيجيك .

رجعت للعزبه وصلحنا القهوة والشاهي اللي تطير العمس . وصلينا الظهر . وتماليت مع المعازيب على الغداء صلحنا الغدا الساعة وحدة ونصف . ما جات الساعة 3 ونصف الا غدنا جاهز ... بعده صلينا العصر وجهزت عزبتي مقناص وبعدها ارحل لولد عمي اقنص انا وياه . شوي وانا في الشعيب وينشيء السحاب وقام يبرق ويرعد قلت خيرة شكل الدعوى مطر وسيل . الله يرحمنا برحمته . وانا حارس على المابرة الا ويهل المطر قلت ياولد ازبن السيارة واطلع من الشعيب قبل ما يحاصرني السيل . شغلت سيارتي ويزود المطر وينزل برد يالله لك الحمد والله كانت أجواء خياليه . وانا بالطريق قمت اصور السيل والمطر ما ابي احرمكم شوفت المطر والخير . لكن خل التصوير ينفعني تأخرت وانا كل شوي موقف نزلت الشعيب الكبير ابي اسند فيه عشان الاسفلت قريب واطلع .. وانا امشي فيه الا واليل محدر علي قلت بحاول استعجل عشان اطلع .. وكل شوي وهو يزووود صراحة ارتبكت وقلت شكلي بروح فيها . والموتر طفا علي . حاولت اشغله وبعدها اشتغل ولله الحمد وكملت مسيري مصارعة مع السيل والحمد لله سلمت وطلعت من الشعيب . هذه نعمة لا توصف .

وهذه صور الخير والبركة :

كملت مشواري لولد عمي المحترف . وصلت الساعة تسع ونصف بالليل . تعشيت وعلى طووول نومه من بعد هالتعب اللي صابني . ولا قمت الا الضحى يوم الخميس . افطرنا وبعدها تغدينا ومشينا لشعيب قريب منه والحمد لله رزقنا الله بالصيد الوفير

وهذه صور شبت النار والقهوة

وهذا صيد المحترف جعله يسلم ( وبرااان ) :

وهذا النيص تم طرحه في دحل بالجبل كان زابن فيه لكن ربك جابه لنا .. رماه المحترف بالشوزن . وشوفوا كيف طلعناه

منقوووووووووووول

شكرآأإ لك الله يعطيك العاآأأإفيه ...~

" يسـلموو انتـظر جـديدكـِ مـن الآبداعــــ
والتميـز ودى لكـِ لا خـلا ولا عـدم "

طرح في منتهى الروعة
متصفح اكتساه الجمال والرقي
وحسن الإبداع
سلمت الأنامل على جمال الطرح
راقت لي أسطرك وماتحمله من تميز ورقي
احترامي

http://cms.azoz-star.com/smile_album...0287523170.gif