طريقه لتجميد المعجنات

الحاجة للتجميد تكون ملحة احيانا وخاصة
لما يكون ضيوفك كثير
او انك تكوني انسانة مشغولة باستمرار
ممكن تتفرغي يوم وتسوين اللي تبغين من المعجنات وتجمدينها لحين الحاجة

واليوم حبيت اعطيكم من خبرتي بالمطبخ
طريقة لتجميد المعجنات واللي عندها افكار ممكن تضيفها نفيد فيها
اللي يحتاجون النصيحة



بالنسبة للفطاير


اعجني العجينة ولما تبدا تختمر على طول احشيها بالحشوة اللي تبغين
كأنك بتسوينها الحين
وحطيها بصينية مرشوشة طحين صفيها كل وحدة بروحها وبعديهم عن بعض شوي
ولما تخلصين الحشوة كلها
غطي الصينية بكيس بلاستيك علشان ما تنشف الفطاير وحطيها بالفريزر ولما تجمد تلقين كل حبة بروحها
حطيها بحافظة بلاستيك زي هذي

http://213.184.165.78/images/supplie...1030000220.jpg


وكل ما حطيتي طبقة غطيها بكيس تغليف زي هذي


http://www.the-superbasket.com/UP/DSC03047.JPG_s.jpg


بس من فوق علشان تحطين الطبقة الثانية فوقها
وهذا يمنع التصاق الفطاير ببعضها

واذا بغيتي تستخدمينها طلعيها برا شوي لما تفك من الثلج ودخليها الفرن
والا اذا عارفة انه بكرة يزورونك ناس نزليها من الفريزر الى الثلاجة تحت بالليل وثاني يوم سويها
والبيتزا نفس الشي قطعيها وفرزنيها بنفس الطريقة بس لاتحطين الحشوة ولا الكتشب
اذا بغيتي تطبخينها نفس الفطاير خليها تفك شوي وحطي الكتشب والحشوة وعلى طول للفرن


السمبوسة

حطيها بصينية كبيرة وجمديها
وبعد ما تجمد رصيها بالحافظة البلاستيك نفس الفطاير ولا تنسين البلاستيك الشفاف بين الطبقات


الكبة

نفس السمبوسة بس الفرق انك تحطيها بصينية مدهونة كل حبة تبعد عن الثانية بشوي
ولما تجمد حطيها بحافظات البلاستيك

الله يعطيك العافيه عالطرح المفيد

لا تحرمينا من روعة مواضيعك

دمتي بكل حب وتقدير

طرح رائع وانتقاء مميز
يعطيك العافيه
ارق واجمل باقات ورودي لروحك
ودي وتقديري ..

انتي نبع من الابداع
بوح عذب بعطر الحب
ينثر الغرام فوق سطور الحب
دمتي بخير
☆

شكرآأإ لكِ
الله يعطيكِ العآأإفيه
دمتِ بكل خير ..~

ام عمر

الله يعطيك العافيه ع الطرح