أبيات شعرية لذكري بيعة الملك عبدالله

[ALIGN=CENTER][TABLE1="width:85%;background-image:url('http://im47.gulfup.com/CzeRmx.gif');"][CELL="filter:;"][ALIGN=center]





من قديم الزمان وحاضر الساعه
حافظين العهود ولا نغيرها
عهد أبانا وعهد أجدادنا وداعه
عندنا لك يا بو متعب نسيرها
شعب كله وفي مجدد الباعه
شايب القوم يوصي به صغيرها
............

يا مليكاً مفدى طايلاً باعه
الفخر له ماضي الدنيا وحاضرها
المواطن بقلبه حبه اوداعه
أبدت الناس له صادق مشاعرها
انت شعبك عظيم وما اخلف اطباعه
كل عام لك البيعه وينصرها
.............

حكمة العادل اللي ثبت أوضاعه
بالسياسه تسيدها وسيرها
دون حق الضعيف ضد طماعه
بدل الروس راس الخير بشرها
...............

الولاء والوفاء والسمع والطاعه
كلها كل يابو متعب نجيرها
وسط شيك حسابه حبه ايداعه
وسط بنك القلوب اللي يقدرها
حنا جنود الوطن للدار فزاعه
تحت راية هل العوجاء نسيرها
والعدو لا اعتداء وزادت اطماعه
حشوده اللي يقدمها ندمرها
............

في سبيل الوطن للحق فزاعه
والمواقف نعم شعبك يقدرها
كل واحد يفسر لأمرك ذراعه
لو فئات البلاء قامت ندمرها
عهدكم زاهر والعدل سماعه
خيركم شامل البادي وحاضرها

.............

يا مليك العرب يال عزوة الساعه
يازعامه على العالم مسيرها
علم الي تبين زادت اطماعه
دونه الليث والعدوان ذيرها
اشهد انا على يمناه وذراعه
وروحنا الي عزيزة مانخيرها
..............


الولاء والوفا والسمع والطاعه
كلها لك يابو متعب نجيرها
يا عز الاسلام يالنبراس وشعاعه
قوافل البر والاحسان سيرها
يوم الشعوب المحيطه حيل مرتاعه
حنا بنعمه عسى الله لا يغيرها
أمن ورخاء والمواطن زانت أوضاعه
وشعوب أخرى ما تدري مصايرها
.............

كل ما رأيت الحرم والجسر والساعه
انا ادعو الله يطول عمر بانيها
عبدالله اللي نظر للشعب ووشاعه
من حب شعبه لحاجاته يبد يها
ياشاف شعبه نسى الغضروف ووجاعه
ياقف يصافح جموع جته يغليها
..........

يابو متعب عزنا ترفع الشراعه
والحواجز بلاوامر انكسرها
مانهاب الموت لو كثرت انواعه
النفوس نبيعها مانخيرها
الولد والعود من فوق مركاعه
سلومنا وسلومنا ما نغيرها



[/ALIGN][/CELL][/TABLE1][/ALIGN]

[align=center][table1="width:85%;background-image:url('http://im47.gulfup.com/qpwq8v.jpg');"][cell="filter:;"][align=center]




لاح يوم الوطن والعز لاح وكلمة الله على البيرق تلوح
يوم الاسلام يا يوم الفلاح والوطن كل روح له تروح
فوق الايمان ركبنا السلاح والمقابيل بالخافق تبوح
الله اكبر مثل ضرب الرماح سيلت في خفى الباغي جروح

====



البست شعري غترة وبشت وعقال وخليت تغريب المذاهب لغيري
في ساحتي للفكر مليون منهال وبحري بمكنوز المعرفة غزيري


=====




عزنا الاسلام هو غاية فخرنا فيه سر وجودنا ونموت دونه
أرضنا ارض الذهب وانقى المذاهب والرجال اللي عهدهم يحفظونه

========




«صرخة» ذكرتك يوم واليوم مو عود لجل الوفا لراعيك موفي الوعايد
كني بوقت راح حاضر وموجود في يوم عشاة المجد.. عله هايد
وكن «المربع» توه اليوم مشيود جدران طين اطمام سقفه جرايد
قصر بنى للعدل والطيب والجود سوره ذرا للناس وفرشه وسايد


=========



الله الاول وعزك يا الوطن ثاني لأهل الجزيرة سلام وللملك طاعه
حنا جنود الحرس للقايد الباني رمحه.. ودرعه وكف الشيخ وذراعه
مثل السيوف البواتر وان جنى الجاني يضرب بها ارقاب من بالدار طماعه
من بان عبد العزيز وصبحنا باني ما عاد نقبل ضلام الليل لوساعه
في السلم يشهد لنا عمر الاوطاني وفي الحرب لارواحنا للموات بياعه



[/align][/cell][/table1][/align]

[align=center][table1="width:85%;background-image:url('http://im47.gulfup.com/czermx.gif');"][cell="filter:;"][align=center]
أرفع الراس يا الحر القطام واكثر الحمد.. للي صانها
انت فالمجد لك راس السنام وعزة الناس من اوطانها
انت الاول اللي سل الحسام وقالوا الخيل من فرسانها
الفخر لك ولا تسمع كلام لا يهمك حكي عدوانها
ديرتك من عشقها ما يلام ويغضب الله على من خانها



===========

ياللي لكم في منبر المجد محراب نلتوه من عقب الكدر والمصايب
نلتوا رفيع المجد بسيوف وحراب وعدوانكم شافوا كثير الغلايب
بحزم ولطم فيه تقطيع الارقاب وعزم جلاميد الصخر منه ذايب
وحرب مرير فيه تقتيل الاشناب يقلب شعر راس الولد منه شايب
يشهد لهم بالطيب من وسط الاصلاب والحي واللي حد رعوج النصايب
صفوة هل العوجا مهدين الاصعاب تارد حياض الموت ورد الجلايب

==========

مشتاق لك يا كل ما في بلادي شوق الرياض للسيل وادي حنيفه
رغم الفراق وطول وقت البعادي حبك يزيد ولهفتي لك عنيفه
ولهان لك وله الحضر والبوادي لخضرة ربيع ضاحك الوجه ريفه
عطشان اشوفك مثل كل وادي ثراه ضامي للحيا عقب حيفه
يا نجد لك منزل بداخل فؤادي يشبه جبال طويق هاك المنيفه
يا ليت والله ديرتي في مرادي او ليت قلبي دايم يطيع كيفه




==========

راية الاسلام بالعز منصوره
ودولة التوحيد بظلال قايدها
شرعنا الاسلام من عهد اخو نوره
البلاد اللي على الشارع وحدها
من بحر جده الى راس تنوره
ومن ورا الخرخير لطريف وحدها
الامام اللي مساعيه مشكوره
سيرة المختار جاهد وجددها
بعد مية عام من وضع دستوره
كل شبر سيرة الليث جودها
يالله انك تسقي العود وقبوره
واحفظ الباقين في عز وايدها
اسرة في نصر الاسلام مشهوره
السعود الله ينصره يساعدها
يا ذرا الشعب السعودي ويا سوره
الولايه والعهد لك نجددها
يا البلاد اللي على الخير مفطوره
ما احد ينكر جهودك ويجحدها
اسمها يعرف على كل معموره
حاكم كل المشاريع شيدها
نهضة بالمملكة صارت اسطوره
والمعارف صار بالعلم رايدها
المعارف اول انتاج باكوره
بصمته في كل حاجه تقلدها
في سماء مكة وطيبه طلع نوره
شامخ في خدمة الدين يجمدها
دارنا في كل الاقطار مذكوره
وكل مسلم يحترمها ويقصدها
ما أحد سوى سواته ولا دوره
سيرته بالخير كل يرددها
الفهد واخوانه الفعل والصوره
مانحصر افعالهم لو نعددها
امرنا شورى وراضين في شوره
ومملكتنا في ولانا نعاهدها
من نوى تخريبها تقصر شبوره
يحترق في نارنا اللي يهددها
من يجرب جربنا يقصد شعوره والله انه لو سلم ما تعودها

========




هذا الوطن والعدل يلبس شعاره
بيرق بلدنا في سما المجد خفاق
دار غدت بالدين نور ومناره
في ظلها تولد مفاهيم الاخلاق
وجهي سعودي ولكواكب مزاره
طموح جاوز بالزمن حد الافاق
ياحظ من هو دار الامجاد داره كل القلوب بحبها تمطر اشواق

==========



زان القصيد وقيمت الشعر لا زان
انك على اللي يعشقونه تذيعه
يقولها الي عارف كل الاوزان
نظم الشعر عنده من الله طبيعه
جال النظر والفكر في كل الاوطان
والله ما يوجد بكل الوسيعه
دوله سحابه خير واشجار امان
دوحة رخا في ظل حكوم الشريعه
اعني السعوديه لها المجد عنوان
معروفه في منزلتها الرفيعه
الشعب والقادة يعلون الاركان
كل الوفاء بارض الجزيرة جميعه
ان جيت لداخل ولا الشعب فرحان وان رحت بالراء شفتها بالطبيعة

=========


همست كتاب للأحبة رقيقه من خاطر يهوى القصائد والاشعار
هذا الوطن للمجد وجه طريقه واجب علينا نفرش الدرب بازهار
ذخر مشاريع الوطن بالدقيقه كثر الدقايق عندنا انجاز واعمار

=========



مرحبا بالحرف في حب الوطن مرحبا واغلى تراحيب القصيد
يا بلاد في ذرا العليا سكن منبع للنور والمجد التليد
هو غلاك اللي كسب روحي رهن او دريت العمر في حبك يزيد
بانقش الشيله من حروفي لحن كان يكفي او تبي دم الوريد
في ترابك كم لهت كفي زمن ذكريات كنها لي يوم عيد

========



اليوم هو يوم الوطن يوم الافراح
يوم تجلى فيه معنى السعاده
يوم غلاه مداخل كل الارواح
في كل عام يزيد حبه زياده
له قصة توج هدفها بالامداح
متلاحم فيها الوطن والقياده
قصة بطلها ما توقف ولا ارتاح
حتى بنى مجد الجزيرة وشاده
حر يباريه السعد وين ما راح
ان شاف طير يدرج الحوم صاده
ياما سهر لين ابلج الصبح ينباح ما حط راسه فوق لين الوسادة




[/align][/cell][/table1][/align]

[align=center][table1="width:85%;background-image:url('http://im47.gulfup.com/qpwq8v.jpg');"][cell="filter:;"][align=center]يا وطنا دام عزك شامخ والدين سيرة[/align][/cell][/table1][/align]
[align=center][table1="width:85%;background-image:url('http://im47.gulfup.com/qpwq8v.jpg');"][cell="filter:;"][align=center]

.................. مارضينا غير ارضك نسكن ونعشق ثراها

انتمي لك والفخر لي شخص وارضه جزيرة

.................. من يلوم اللي يحبك ام وتغلي ضناها

يالسعودي بس اسمك لا لمع في كل ديرة

.................. والله انه تاج اكبر من على هامة سناها

شعب ودستور وأمه ترتوي من فيض خيره

.................. لا عدمنا من حكمنا ولا نسينا من بناها

من شمالك لي جنوبك كل شبر فيه غيره

.................. حاسدك ربي يعينه مادرى انه ما نساها

يحتمي بك رغم غيضه اه ياشين البصيره

.................. وين ماترحل عيونه يرجع ويذكر سماها

كل حرف لا كتبته غير اسمك استشيره

.................. وين يا كلي تمهل ارفق ولملم حلاها

ايه احبك يا بلادي دون شك ودون حيره

.................. كل عرق لا نشدته قال ينبض من غلاها

يا فديتك بالمشاعر والا روحي لك ذخيره

.................. ما تردينا من اول كيف لاجت في سواها

يحفظك رب كريم من صودايف عسيره

.................. يا منار الحق للي ضاعت حقوقه لقاها

دام ابو متعب يقودك سيري دروبك يسيره

.................. والمواطن في يمينه خط ما نبغى سواها

ايه احبك يا بلادي دون شك ودون حيره

.................. كل عرق لا نشدته قال ينبض من غلاها

يا فديتك بالمشاعر والا روحي لك ذخيره

.................. ما تردينا من اول كيف لاجت في سواها

الأرض

انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها

انا من هالأرض اللي مال عيالها .. غيرها أرض

عاشقٍ هالرمل .. من خلقني الله .. لين أموت

عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر

عاشقٍ مافي البشوت .. من عطا وطيب وفخر

[/align][/cell][/table1][/align]

عزفتم لحن مفعم بآلروعه وآلإبداع
من بارق سماؤكم المتعطرة ببذخ
دمتم وارفين الجمآل
ورافقكم الإبداع أينما حللتم

http://www.sheekh-3arb.info/islam/Li...ent/item23.gif

بارك الله فيكَ على طرحكَ ..~

دمتِ بخ ـير دومـاً

يعطيك العافيه على الطرح
مآننحرم من جديدك المميز
إحترآمي وتقديري

<P align=center><FONT color=black size=6 face=jameel>[ALIGN=CENTER][TABLE1="width:70%;background-color:indigo;border:4px double sienna;"][CELL="filter:;"][FONT=jameel][SIZE=6][COLOR=black][ALIGN=center] </P>
<P align=center><FONT color=black size=6 face=jameel>رآقت: لى كلماتك من اؤل العنقود..إلي آخره.<BR>وإرتشفت العيون أجمل ألإحاسيس،،سلم فيك.<BR>هذاالفيض والبؤح وانتقاء الطرح وجمال موضوعك.<BR>فى اؤرقة منتدى نعناعى الغالى علينا..<BR>دآآآم علينا طرحك وبؤحك الجميل <BR>تقبل مرورى مع خالص إحترامى <BR>دمت:في حمئ الرحمن..</FONT></P>
<P align=center><FONT color=black size=6 face=jameel><IMG style="MARGIN-TOP: 54px" id=irc_mi src="http://

[ALIGN=CENTER][TABLE1="width:70%;background-color:indigo;border:4px double sienna;"][CELL="filter:;"][ALIGN=center]
رآقت: لى كلماتك من اؤل العنقود..إلي آخره.
وإرتشفت العيون أجمل ألإحاسيس،،سلم فيك.
هذاالفيض والبؤح وانتقاء الطرح وجمال موضوعك.
فى اؤرقة منتدى نعناعى الغالى علينا..
دآآآم علينا طرحك وبؤحك الجميل
تقبل مرورى مع خالص إحترامى
دمت:في حمئ الرحمن..


[/ALIGN][/CELL][/TABLE1][/ALIGN]