اناشيد البنات ايام زمان

يـــــــــــــــا طــــيبة


ياطيبة هالله هالله ... يا طيبة يا مشاء الله

يــاساكن طـــيبة وضواحيها متهني يابختك فيها
مجــاور نبي الله
يابختك ياسعدك ياهناك فيها

ياطيبة هالله هالله ... يا طيبة يا مشاء الله

الله من عندوو هننا واختار طيبة سكننا
والكل يتمنى لوقــانا يعيش في طيبة معانا



عـــــنبي ..



عنبي ياعنبي
ياهدية من أرض بلادي

عنب المدينة يا احبابي عناقيد .. وبتلْلْ
ياريت يا اوختي نكوون عصاافير … نفرد جنحنا كدا ونطير
على المزارع والباستن
ناكل عنب .. ونقعد طايرين
دوقي ياوختي عنباية وانتا دوق منو على الريق
ياسلام حلو للغاية وطعموو والله يبل الريق
ياريت ياواختي نكووون عصافير... نفرد جنحنا كدا ونطير
على المزارع والبساتين
ناكل عنب.. ونقعد طايرين





يــــــــــلا يـــا بابا ..


يـــلا يا بابا على قبا نميل .. ونشووف الخضره و الجوو الجميل
ونلعب ونمرح مابين النخيل. . ونعيش في فرحه مالها مسيل

يلا يابابا خلينا نميل ..
خلينا نميل ع البستان ..
ونشوف الورد والريحان ..

والطير يغني ع الاغصان..
وتزيد الفرحة كمان و كمان ..

يــلا يا بابا على قبا نميل .. ونعيش في فرحهـ مالها مسيل
ونلعب ونمرح مابين النخيل

( ياعيني عليكي ياقبا .. والله احووبك .. واحووب الا كانو فيها .. الله يرحمهم )





الــــطايف ..




مشينا يابابا مشينا.. وعلى الطايف ودينا
خلينا نقضي الصيفيه .. مابين الخضرة والميا
لاء.. يابابا اعمل احسان ..
انا عايزة ارووح لبنان ..


ليه لبنان ليه لبنان.. <<< هنا الابوو يغني ..
دي بلدنه أحلى البلدان..
في الطايف وابها كمان..
حلوه جميلة زي لبنان..





أبـــغى فـــستان ..



أنا يابابا أبغى فستان أسهربو الليله ديا
والفستان زاهي الالون مترو يابابا بمية

راتبي يابنتي ماهو كتير .. لازم تمشي بالتدبير << هنا الابو يغني برضو .

شغلك والله دا تبزير .. رايح يخلي عقلي يطير
… لاتزعل يابابا محصل شي ..
وانتا يابابا كل شي ..
فستاني يلي كوتوا طيب راح احضربو .. ماهمني شي

( ياعني على البنات العاقلين .. بنات اول هههههه مو زي دحين )





الـــــسالف..


ههههههههه>> الا مسوووي سووالف تعال هادي الاغنية لك .

يخص عليك يامربي السالف .. ومدلل على نص الخد
يخص يخص يخص ..
منتا عارف ان السالف أصلو يهودي.. أباُ عن جد
السالف منو في الاسلام و انا اخوك زيك انسان
حتى سلام ربنا مايرد
يخص يخص يخص ..



أخــــوية..

كسر القارورة وكب الزيت .. ونتر الشطه جووا البيت ..
فضل يعطس .. وماما تعطس .. وخرج يجري بره البيت
اخويه عدنان الشيطان خلا عقل ماما يطير ..
طول النهر لف ودوران مافي غير فك وتكسير ..
لما جا بابا من السوق قالتو ماما على الا سار ..
مسك الحبلة وهات تكتيف .. خلا نهارو كلو حزين
قولو معانا .. الله يهدي .. الله يهدي .. الله يهدي

اناشيد رااائعه

شكرا نهى ..

تسلمين حبوبه على الاناشيد والله يعطيك العافيه

تسلمون على متابعتكم والرد

اناشيد رااائعه

شكرا نهى ..
صراحة ذكرتيني بخياتي ابنات الحارة اول
خخخخخخخخخخخخخخخخخخ
يسلموووووووووووووووووووووووووووو

يسلمك على طلتك والتعليق

وحيااااااااااااااك الله

قريتها مره ثانيه


جد حاجه روعه
تنبسطي ليمن تتذكري زمان اول