إلى أين تريد أن تصل بالأهلي ياخالد بن عبدالله ؟

آه .. لي .. هذا لسان حال كل أهلاوي .. من الاتفاق للفتح لنجران ويا قلب احزن ثلاث هزايم من فرق صغيرة ولسه ما واجهنا الهلال والاتحاد والنصر والشباب ...

يا خالد بن عبدالله احفظ ما بقي لك من كرامة عند الجمهور الأهلاوي ... كم رجل أعمال جاء لخدمة الكيان الأهلاوي من جيبه الخاص .. يعني يدفع كاااااش ..ووقفت له بالمرصاد أنت وإعلامك الخايس البايص ..اللي ما عنده شجاعة يهاجمك ... بس من حقهم لأنهم عندهم أهل وعيال وعائلة ماحد يبغى يضحي بمستقبله ...

يا خالد بن عبدالله بالله قلنا أنت تتابع زينا أخبار الفريق أول بأول والمباريات دقيقة بدقيقة وتخلي كل مواعيدك وأصحابك وأهلك وتحضر للملعب عشان الأهلي أو تتفرج في التلفزيون ... والله أشك في كل الكلام ده ..

ياخالد بن عبدالله والله وجوهنا صارت صغيرة قدام الناس كل الجماهير مبسوطة من فرقها اللي متصدر واللي فريق يلاحق المتصدر واللي أضعف الإيمان يقدم مستويات مقنعة على الأقل .. إلا الأهلي جمهوره يبكي ويئن من الأوجاع .. صار الواحد منا يستحي لمن يجاهر بأهلاويته ..

ياخالد بن عبدالله فين كلام رمز الأهلي الحقيقي ومؤسس النادي الفعلي الأمير الراحل عبدالله الفيصل (رحمه الله ) عندما قال الأهلي ملك لجماهيره ...

الاتحاد مع آل الشيخ ماشي في الطريق الصحيح ... والهلال مع عيال مساعد ما يحتاج ... والنصر على أقل الامير فيصل بن تركي متعهد أنه يرجع النصر بطل لآسيا .. والشباب مع البلطان كبوة جواد ويرجع بعبع يخوف الجميع ... إلا الأهلي الحال هو الحال انهزامية .. روح مفقودة .. بروود ..محطة للفرق الصغيرة تتزود بالنقاط متى ما تعثرت أمام الخصوم الآخرين ...


ياخالد بن عبدالله والله لو عندك ذرة كرامة وإحساس بالمسؤلية تجاه الأهلي كان من يوم فضيحة الانسحاب أمام الشباب كان غيرت النادي ولكن إنه الفكر العقيم فكر الستينات والسبعينات الهجرية ..

ياخالد بن عبدالله خليك في أكاديميتك وخلي النادي بكل ألعابه لرجال أعمال قادرين وغير بخلاء .. زمن الهواة ولى يابن المليك ..

مبروك يا منصور البلوي .. قلت بفمك أتمنى تدمير الأهلي .. وحصل ما تتمناه .. بالبركة والعافية ..

والله صادق يالبلطان ما ليقنا إلا الضغط والسكر وحرق الأعصاب والتلاعب بمشاعر كل الأهلاوية وصح لسان كل شجاع ..

هو بقي شيء ماوصل الاهلي له .؟!

اخفاق وصل له
فشل وصل له
تخبط وصل له
تصفية حسابات على حساب الاهلي وصل له
تنفير رجال الاهلي المخلصين وصل له
ايش بقى وما وصل له الاهلي .؟!
ليه نحرق دمنا على اللي مايحسو فينا ..؟!
اهلاويين مع وقف التشجيع ..؟

شـكــ وبارك الله فيك ـــرا لك ... لك مني أجمل تحية .