الحريم و هم رادين من العرس ..؟!
****************************
اخوهم : اركبوا السياره وكل وحده تنتبه لا تصك باب السياره على عبايتها
و بمجرد ما انقفل باب السياره بدأ الأستديو التحليلي اسمعوا ما قاله وما يقوله النساء بعد كل زواج
الأولى : ايش فيك تأخرتي؟
الثانيه : ساعه قاعده ادور على عباتي انتي ما شفتي الحريم يتضاربون عند العبايات ... العبايات تلخبطت
الثالثه : يا ليتنا ما رحنا زواجهم
اخوهم : ليش؟
الثالثه : زحمه و البزران يتضاربون بقشر البرتقال و يلعبون بالمويه
الأولى : ما شفتي ذيك اللي كبت القهوه على الحرمه اللي كانت نايمه؟
الثالثه : لا والله ما شفتها .. انا ما شفت و لا شي في الزواج ، طول الوقت قاعده ادور على جزمة بنتي مها
الثانيه : ايش رايكم في الفستان اللي لابسته هدى؟
الأولى : مو حلو محنقط عليها والسحاب باين
الأولى: انا اعجبني مكياج أمل تقول ان زوجة خالها جابته لها هدية من باريس
الثالثه : هههههههههههههههههاااااي من باريس تضحك عليك يا هبلا تلقينه من محلات ابو عشره
الغريب و العجيب انهم و اثناء حديثهم في السياره يقولون لبعضهم خلاص يا بنات بس ترى ما يجوز نتكلم على الناس!!
الثانيه : صح والله كلامك يا اختي ما يجوزنتكلم عليهم ،بس شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها هههههههه متوصيه فيك ، شكلها بتخطبك لولدها
الثانيه : وجع في شكلها هي وولدها قاعده تقطع لي من اللحم الكبار اللي ما ينوكل
وهي طايحه في اللحم الزين
العشاء
اخوهم: ايش رايكم في العشاء
الثالثه : دسم و كله شحم
الأولى : بارد
الثانيه :اللحم كبار
الثانيه : و فيه حريم ما تعشوا قاعدين على الكراسي اللي في الكوشه شايفين نفسهم
الأولى : حتى ام العروسه ما تعشت مسكينه طول الوقت قاعده تبكي..
الثالثه : هههههههههه تبكي من الفرحه يا هبلا ، ما شفتي صدرها منتفخ من الفلوس
بس خلاص ما يجوز
صح و الله ما يجوز ، بس شفتي ، و شفتي ، و شفتي
و اخيرا وصلنا المنزل
اخوهم: شوفو لي حبتين باندول اكسترا.
************************* *************************
اقتراحات لمن يريد ان يتزوج :
1- اصرف حبه باندول لكل رجل بعد العشاء .
2- لا تقدم للنساء رز و لحم و مفطحات.
3- قدم للنساء علب صغيره على شكل و جبات في كل علبه واحد كت كات و عصير و حبتين ورق عنب، و لبانه للتهظيم ، و راح يدعون لك.
4- تدفع كل أمرأه مبلغ عشره ريال كتأمين عن التخريب والتكسير الذي يقوم به اولادها ( تكتب هذه الجمله على كرت الدعوه ).
5-واخيرا يوضع اسم المرأه اللتي لا تلتزم بنظام القاعه في اللآئحه السوداء للقاعه
تحياتي لكم
08-11-2006, 03:30 PM
الحريم و هم رادين من العرس ..؟!
:p
(إظهار)
الاعضاء الذين قاموا بقراءة الموضوع منذ 11-09-2024, 09:03 AM
(تعيين) (حذف)
العرض العادي
