السلام عليكم
اخباركم أعلومكم...
يوميات بنت المدرسه الثانويه
يرن المنبه الساعه 5 ونص تقفل المنبه وتكملها نومه
تجي الشغاله الساعه ست تصحيها تقوم الساعه ست ونص
تروح تاخذ لها دوش
تكون ساعه سبع الا ربع تروح تفتح ثلاجه> لازم تشيك حق بطنها
تطلع تصلي وهي ماتدري وش قالت وش ماقالت > هههههههههههه
تروح تمشط كشتها تكون ساعه 7 وربع تلبس تطرد خواتها الي معها في الغرفه بحجه انها تبي تلبس
تروح ترتب الي عليها في الجدول بعدها تلبس وتشيل الشنطه
وتروح طبعا تكون مأخره العائله كلها علشانه تركب مع سواق وطول الطريق وهي تهاوشهم تاخرنا وتاخرنا > نست انها هي الي ماخرتهم
تروح المدرسه عند المديره
المديره : وش عندك يافلانه متأخره
الطالبه : توني صاحيه من نوم لانه امي مو في البيت والخدامه هي الي تصحينا > تصرف المديره
المديره : ليه وينها الوالده >>> تحب تستخبر وتشوف وش اخر اخبار العالم
الطالبه : امي رايحه مع اخوي الصغير تعبان في المستشفى > خافي ربك وبلاش نصب
المديره : مايشوف شر يله روحي فصلك
الطالبه طبعا ماتروح الفصل على طول تروح دوره المياه تشوف شعرها وتكحل عينها بعدها تدخل الفصل
ماتحط اي عتبار حق المعلمه : هاي بنات صباح الخير
البنات : هلا هلا تو مانور الفصل
الطالبه : ادري ان هو نوري
تحط الشنطه وتحط عبايتها في الدرج
وتحط راسها على الطاوله لانها امس سهرانه على فلم في ام بي سي تو
ترن ترن جرس الفسحه تجي خويتها الي جنبها قومي رنت
الطالبه تقوم: تقول هاه في حد سال عني
صديقتها : المعلمات يقولون وش فيها وانا اقول تعبانه وانتي نايمه
الطالبه : طيب لا تدفين
صديقتها : بروح اشتري لي فطور
الطالبه : طيب وانا بروح معك
طبعا قبل تروح تشتري يسيرون على مرايه دوره المياه ويتعدلون
ويتجمعون شله بنات علمي وبنات ادبي وحش في المعلمات
شفتي ابله التاريخ وش لابسه ههههه
ايه والله شفتها انتي شفتيها لا تغلطين ترى هذي ماركه ههههههه
وبس هذا الحال حش في حش
تجي لهم وحده تحب رقص
وتخليهم يرقصون وطق > >>وربي ينفع يصيرون طقاقات في المستقبل >>بس والله فله
شوي ترن الفسحه تقولهم خليكم شوي الين يطلعون البنات جوى حنا اخر ناس
يجلسون وعند طلعتهم الفصل
تجي المعلمه تمسك الطالبه وش فيك توك الحصه الثانيه تعبانه والحين ترقصين وتغنين
لا والله ابله كنت تعبانه
طيب يلا فصلك
طبعا الحين الحصه الرابعه مايدخلون جوى الفصل الا وتكون الحصه نصها ضايعه والمعلمه تراكض وراهم من فصل لفصل
تدخلو الفصل طبعا الحصه الرابعه ضايعه ضايعه توقف الطالبه طبعا الطالبه المشاغبه حطينها قدام علشان تصير شاطره بس مافيه امل
تروح تقلب الكرسي وتروح سوالف مع البنات وياكلون ورسايل من تحت الطاولات >>طبعاًكلها نكت وحش
تقول ماعندهم حد
شوي تجي المعلمه قبل تنتهي الحصه تقولهم تصحح الدفاتر طبعا يوقف نص الفصل ماعدى الشطار
الي ناسيته والي حطته في الدرج وتقول ناسيته والي تاخذ دفتر وحده شاطره وتقول هذا دفتري انتي صححتيه
طبعا كلهم يحلفون لها انها راحت تكون اخر مره ينسونه
تجي الحصه الخامسه دايم تكون حصه نحو ياويلهم طبعا تطلع معلمه الحصه الرابعه ونص الفصل وراها عند الباب ينتظرون المعلمه الثانيه تجي والا تلقينها رايحه الفصل الثاني تسير عليهم والي في دور المياه وكل وحده في حاله
طبعا تجي معلمه نحو مايكون في الفصل غير 5 طالبات من 30 طالبه
طبعا تروح نص الحصه على بال مايجون تنزلهم المعلمه عند المديره طبعا كل وحده تقول انها في دوره المياه وبطنها يوجعها بالعربي يصرفون المديره بس كل وحده تكتب تعهد ويرجعون الفصل
طبعا البنات الشطار معصبين انه راحت الحصه
تجي البنت معصبه على تعهد مع انها كل يوم تكتب وتكملها نومه الين اخر دوام
طبعا تقوم وتلبس عبايتها وتكون اخر وحده تطلع من المدرسه لازم تودع كل الشله
ويضحكون ويسولفون عناد حق المعلمات الي عندهم مناوبه
ههههههههههه
هذا حالي وحال بنات المدرسه وشلتنا اذا في حد مثلي يجي عندنا ترى نعجبه
ههههههههههههههاااايهووووو
أورفوار