عود بالشيره و الله العظيم روعه

السلام عليكم ورحمة الله وبركاته،،

تراني اليوم جايبه لكم خلطة عود

بس والله ومن دون مدرح روووووعه

واللي بيشم ريحتك بينهبل

لما تتبخري بها تصير ريحتك باااااارده حيل

انا ريحتي مميزه بالعود



المقادير

1 ـــ هاتي عود خام ( خشب ) اصلي نوع جيد ( حتى تطلع الخلطه حلوه)

2 ــ سكر ( عادي سكر الطبخ ) نسويه شييره غليظه

3 ــ عطر من النوع الغالي اللي انتي تحبيه ( فرنسي او عطورات عربيه حسب رغبتك)

4 ــ اناء فاضي ممسوح بالزيت
~~~~~~~~~~~~~

الطريقه

اول شي حطي العود الكميه اللي تبيها ( وافضل انك تاخذي شوي للتجربه )

في اناء ( فنجان اللي نحط فيه الجلي او مشابه له )

المهم اي مقاس بس يكون العود ضعف السكر

ضعي الماء والسكر على النار حتي يغلظ قوامه (مثل شيرة اللقيمات)

ويصبح غليظ ...
اسكبي العود عليه وحركيه على نار هادئه

بتشوفي ان السكر مسك في العود وصار لونه ابيض

طفي النار بسرعه

اسكبي المقدار في الاناء الممسوح بالزيت

وسكبي عليه العطر ( وهو حار) ثم غطيه بفوطه لمدة ليله كامله او 6 ساعات

ثم احفيظه في الاناء الذي تريد يه وتبخري به ودعيلي





ملاحظه:

اذا الشيره ماء يعني موغليظه ترى الخلط بتخترب وما بتضبط

على فكره ها الخلطه تنفع للعود المدقوق بعد

يسلموووووو نهووو على الطريقه

بس والله مالي خلق اسويها خخخخخخخخخخخخخ

يسلمك اروع على الرد والتعليق

من دون مدرح

هههههههاي
وش مدرح

عموما يعطيك العفيه ع الطريقه
الحلوه ياحلو
خخخخخخخخخخخخخاي

والله طريقه جديده ما سمعت عنها

مشكوره ويعطيك الف عافيه يارب

نهووو تسلمين
عاد انا من عشاق البخور ودهن العود
واحب العطور السبيشل ...
ربي يسعدك ...

يعطيك العافيه
شكرا لك على الطرح

يعطيك العافيه علي الطرح*) ...ب إنتظآر جديدك وعذب أطروحآتك...)إحترآمي وتقديري...)