يوميات في حياة عايله زهرانيه

http://www.zahran.org/vb/images/372b/slide5.jpg

[ALIGN=CENTER][TABLE1="width:95%;"][CELL="filter:;"][ALIGN=center]الأب = جمعان
الأم= مسفره
البنت الكبرى=سعيده

البنت الصغرى =صندله

الولد الكبير =عطيه
الولد الصغير=سمي عمه عيظة

الجد = مستور

القحم مستور يقوم من صبيحة رب العالمين ويشغل الرادي على اخر صوت الساعة السادسه صباحا

اصبحنا واصبح الملك لله ياجمعان هيا قوم وقوم مسفره اخذلكم الله لين ظهرا راقدين خلها تقوم تاهب لي فكوك تياعك المره 0

جمعان طيب ياشيبه ابشر ذلحين تقوم مسفره وتجيك بالفكوك ابشر

تقوم مسفره من النوم تنافخ وتقول بصوت خافت الله يقلعه شيبة الهجم غثنا ولا يخلينني انتسم كما ذلينه النسوان الي يرقدنه لين ظهرا

يبدي عليها جمعان ويقول لها وش معك تهذرين من صبيحة الله هيا اعجلي سوي للشيبه مخوضن وتلاجة قشر قوام بسرعه الشيبه مطنقرن وبيموت من الجوع

مسفره الله يخارجنيه منك ياجمعان ومن ذياعك الشيبه هيه اصبر شويه ويرشق الفطور

تجهز مسفره الفكوك وتحطه على دكة البيت لان الشيبة ماياكل الا على الدكة والشيبه الله يصلحه حنوسن ادنى ما ضيقه وخاصة من بعد ماتوفت كهلته سبته 0
مسفره هيه ياسعيده قومي خلاص كانك من الشخير قومي انتي واختك صندله اخذلكنه الله هيه قومنه حاوشننيه معنا ضيعه ملا صعيد ربيه هيا قومنه

تقوم سعيده وتلحقها صندله وتقول مسفره هيه افطرنه قوام ولا خلصتنه واحده منكنه تندر السفل باطن وتحوق الدمن المكتل والمحواق سد الباب 0
سعيده والله ماندر اليوم انا امسي حوقت الدمن اليوم تروح صندله دورها
صندله معينيه مرضت من ريحة الدمن وانا عندي كتمه والدختور ذاك اليوم نهانيه وقال حيلي عن الغنم وريحتها
مسفره اقول ياصندله والله مايحوق الدمن يكون انتي خلي الدلع وكلام الدختور من يوم وقعت عالدنيا وانا ماترعرت الا بين الدمن وما نفر بيه شوفينيه مثيل البقره

صندله خلاص لاتضيقين يايمه باروح احوقه لكني اليوم معيني اروح معكنه للصرام

مسفره اهبي عليك ياتي البنت البايره والله لاعلم ابوك جمعان لاخليه يسلخ جلدك

عطيه وعيظه يصحون من النوم ويادوب رشو وجيههم بالماء وجلسوا يفطرون 0
مستورهيا ياصدقانيه افطروا واسرحوا بالغنم ولا تغرون منهاوتجوني بغيرها تبدون تهرجون وتلعبون

انا ومسفر بنروح نحرث في الركيب الي سد جناب عمك عيظه وماعينا نعود الا ورا الظهيره
عطيه طيب ياجد باروح ارعى الغنم لكن مابغى عيظه يسايرنيه
مستور اويه ماتبغي اخوك يقفي معك يا عطيه
عطيه افلج الغنم ياجد معه نبيطا وكل شويه ينبط واحد ه من الغنم ما تشوفهن ياجد نص القطيع عورن

مستور افلجك الله ياعيظه وانا معي نقده في غنميه اشوفها ماتسير الا على جنب
مسفر الاب كان قريب من عيظه ويصكه بذاك الكف والا هو فاهقن ويقول والله لاعاوظك ياعيظه واخترجها من قلبك 0

عيظه خلاص يايبه والله ماعاد انبطها خلاص لكن حتى عطيه ثنتين من الغنم هو الي عورها

عطيه والله انه يكذب عليكم انا بس واحده ماهي ثنتين بس بغيت اجرب النبيطا هي قويه والا لا

وفي هالحظه يقوم مستور بالمشعاب ويكسرها فوق ظهورهم [/ALIGN][/CELL][/TABLE1][/ALIGN]