♫ هــذا المسـاء منـ الفـ ليلـ[♥]ـه وليلـه♫

" الصيدليه "

أنا أحب الصيدليه وأحب أتمشى فيها وألقى فيها نفسي ولازم انتم تلقون أنفسكم فيها
فـ السؤال الآن : وش تشتري العروسه من الصيدليه .

أكيد بعد الزواج ماراح نكون بكوكب آخر بس شي حلو انكم ما تنسون أبسط الأشياء لأن كل شي بنحتاجه وشخصياً أرتاح اذا كل شي حولي وحوالي ..

وأنتو بتكونون مرتاحين بالسفر وأول الشهور اذا كل شي شاريته كثيره أنا صح ؟



1 / مناديل ديتول المعقمه : مناديل صغيره كلكم تعرفونها , بتحتاجونها صدقوني أشتري 2 كفايه , وحده حطيها بشنطة السفر , الثانيه لبيتك اذا رجعتي , مانبي 3 لأنهم ينشفون مع الوقت.

2 / مناديل ازالة المكياج : أفضل الأنواع الي أفضلها شخصيا مناديل جونسون , هذي أشتري 2 بعد , وحده معك للسفر مع أننا ماراح نستخدمها لازالة المكياج فقط , لكن لتنظيف اليد أيضا أثناء وضع المكياج <=== تحسب الناس حوسة مثلها . والمكانه الثانيه أفضل مناديل p h 5
كلهم بنفس الدرجه ,’ ابتعدي عروستنا عن مناديل مكياجي تنشف بسرعه , وما تزيل كويس .
ولا تنسون تنظفون وجهكم بعدها طبعا ..

3 / مناديل كلينكس / فاين , صغيرة الحجم " تباع في السوبر ماركت غالباً "
أبعدوا عن مناديل أبو ريالين , تجي ثلاث أرباعها مناديل والربع الثاني غبار
ما نستغني عنها بالشنط . كل شنطه ارمي فيها واحد وانسيه ..

4 / غسول صغير معقم لليد , أحلى شي ممكن تحطينه بشنطتك وتستفيدين منه ,
بروحات المطاعم والتمشيه العاديه في وقت شهر العسل وبعده يفك أزمه وحجمه صغير ومناسب لكل الشنط . اشتري برضو 2 . وارميهم بشنطتينك الي تطلعين فيها بشكل يومي , انتي عروسه وبتنوعين بالشنط لكن مو من المنطق نعبي كل شناطك أغراض..

4 / اسيتون " مزيل المناكير " ابتعدو عن المناديل الجاهزه في الاستخدام , لأنها مضره بالأظافر .
أشترو علبتين . علبه مع مكياجك الكامل الي بيروح لبيتك , وعلبه صغيره معك بالسفر , ممكن تعبينها بعلب صغيره اذا مو حابه تاخذين الكبير معك , ولا تنسين تاخذينه معك بأغراضك الي بتروح للأوتيل أول يوم , كثير عرايس ينسون هذي النقطه وتصلي الفجر بمناكيرها

5 / مقص أظافر : ما راح نحتاج الا واحد , دوري على الكبير أفضل . وأختاري النوعيه الي تجي قوي وأبضاي , وجيبي ثاني صغير بقولك وش نسوي فيه بعدين
6 / مبرد للأظافر : الشله كلها تبع العنايه بالأظافر , اهتمي عروستنا بأظفرك والعنايه فيها كل كم يوم , اشتري المجموعه كامله ومتواجده بكل مكان وأفضل مكان لها الصيدليه ,,

7 / معجون أسنان + فرشاة أسنان + غسول مطهر للفم واللثه : المعاجين اختاري النوع المناسب لك , واشتري من الحجم الصغير أفضله للسفر وللبيت أيضا , لا تنسين تشترين غطا للفرشاة لحمايتها من التلوث من جو الحمام أكرمكم الله , أحرصي على تنظيف أسنانك بالتفريش واستخدام الغسول

× أمر صحّي : نزيف اللثه أثناء التفريش بين فتره وفتره , خصوصا لو لثتك تعبانه لأن الدم بيكون فيها فاسد + أنصحك بمعالجة مشكلات أسنانك قبل الزواج لأن مترتب عليها أمور عظيمه ,,

8 / ملقط : أبد هذا الشي ما ينحقر , راح تحتاجونه عروساتي الموسوسات في البدايه كثير ,
شعره طلعت , شعره ودها تطلع , يتفاهم معهم لتكوني مرتاحه على الآخر وكلكِ ثقه .

× ابعدو عن الملاقيط الي في السوبر ماركت , طريقة صنع الملقط هناك خاطئه
كلها بمستوى واحد ! بالتالي يطلع حبوب أشتروه من الصيدليه .

9 / مقص صغير : يسعف بشكل ما تتصورونه , ضروري تشترون أكثر من واحد . ومن الصيدليه تحديداً , المقصات هناك تشبه مقصات الجراحه وقوية وبكل الأحجام , أشترو 3 .

10 / أمواس حلاقه : الي عاملين ليزر بكل جسمهم لا يقرون هذي النقطه , عروستي الحلوه , سوا كنتي تحفين بالواكس , أو بالحلاوه , أو بالمكينه , ما الضير لما تشترين كيسة أمواس حلاقه جيلت الورديه للبنوتات الحلوات وترمينها مع جهازك ؟
حتى لو كنتو من الي يكرهون الموس , ما ننكر فضله علينا جميعا , ونحتاجه بكل الاوقات .

11 / أقراص بندول اكسترا : الأقراص اللطيفه هذي , تجي مقسمه كل حبتين لحالهم , وانتي تتفرجين على التلفزيون فكي كل حبتين لحالها والعبو لعبة الشنط , عارفين لعبة الشنط يا حلوات ؟ وما ننسى نحط باقي الكرتونه مع أغراضنا الي بتروح البيت , اشتروا كرتونين , ماحد يعرف ( زعلك زوجك , قرفتي منه وصدع راسك , امه قالت لك كلمه ضيقة صدرك وجابتلك صداع ) كل شي معك متوفر ولا للصداع بإذن الله .

12 / أعود أذان : يا لطيفه يا نظيفه , التصرف الصحي لللإنسان الصحي , زيارة الطبيب المختص مره كل 6 أشهر لتنظيف الأذن , ومع ذلك , بعد الاستحمام تتخمر الاذن شوي وتفرز بعض الشمع , لا تنسون تنظفون اذانيكم فقط بعد الاستحمام لأن المنطقه وقتها رطبه وسهلة التنظيف بدون استخدام العنف ,’

13 / كرات القطن : وش أقول عنها بس ؟ شهادتي بتكون مجروحه فيها . متعددة الاستخدام , وأعتقد ما نستغني عنها . ينقسم القطن لقسمين , الأولى عباره عن شرائح مدوره والثانيه كرات , بالنسبه لي أحتاجهم كلهم , وانتم .. على حسب الحاجه تقدّر مسألة شرائها من عدمه .

14 / فوط صحيه للاستخدام اليومي : رائعه جداّ , تستهلك في الغالب في السفر لطول المشاوير وصعوبة الرجوع للفندق كل كم ساعه , لذلك اشتري منها كثير , كرتونتين مناسبه .

15 / فوط صحيه للاستخدام المش يومي . أنا أستغرب من الي تسافر وتقول ماكنت أحسب اني بحتاجها ! تحسبين والا ما تحسبين تاخذينها معك لازم , اشتري عدد مناسب لحاجتك على الأقل لـ 3 شهور قادمه .

16 / فازلين + جلسويد : الفازلين ماشاء الله عليه مافيه شي ما يسويه , والجلسويد بتمر عليك رجليك كنها خشنت شوي ووقتها تبغين حلول سريعه للتنعيم ورجوع الماء لمجاريها .

17 / حلاو مص : ما أوصيكم عليه هذا بالصيدليلات الي موجود أغلبه لالتهاب الحلق , لذلك أنصحكم بهونز معروف : متواجد يا بالصيدليه أو بالسوبر ماركت بألوان متعدده . طعم وريحه حلوين . وبولو طبعا ما ننساه . بولو اشتروه من السوبر ماركت يجي كيسه كبيره فيها اكياس صغار , حلوه للشنط وجنب الكمدينه وبكل مكان في بيتك .

18 / مسحه طبيه : طلعت لك حبه انجرحتي بتاخذين جرعة الهروين تخيلو مدمن ويمسح بالمسحه قبل مدمن اتيكيت . المهم بنحتاج المسحه الطبيه كثير .

19 / مضمد جروح : بكره في علم الغيب <== ؟؟

20 / قطره للعين : العين تحب تكون ظريفه أحيانا تصير زي لون هذا > . والقطره تخليها زي الحليب بأسرع وقت وتخفف هيجانها , سوا أثناء استخدام المكياج أو بعد الاستحمام أو أي ظرف ممكن تمرين فيه , أشتري وخليها معك .

21 / شرائح النعناع : مطهره للفم .

همسة :/- بنات اكثر شي تستهلكونه بالبيت ..

السليبرات .. بنت خالي تقول اخذت 4 وكرفتهم كرف وهي توهآ مآ كملت شهر .
الارواب خوذي لك اشياء دلوعيه مو ضروري طقم مع القمصان لانك بتلبسينها لحالها بعدين تعرفون متى وقتها [[ بعد الشسمه بتاخذين لك اقرب روب وتلبسينه عشان تروحين للحمام ..

البجامات .. خوذي لك طوال لايام الدوره .. وقصار وملونات لباقي الايام .. شكلي ونوعي قد ماتقدرين ..
كمآن اشترو بجامات ساتان تكون حلوه وكشخه .. خصوصا اول الايام بتستحين تلبسين قمصان نوم فبتاخذين لك اقرب بجامه .. خليها تكون ساتان عشان يبين انك عروس ...


يمكن تتفاجئين بعدين ان زوجك يخق عليك وانتي لابسه بجامه قطن ناعمه اكثر من لو كنتي لابسه قميص مشخلع ..
او لابسه فستان طويل اكثر من لو كنتي لابسه شوري او ميني جوب ..

يعني يختلفون الرجال .. عشان كذا نوعي من كل شي ..

ومو اذا شفتيه خق على نوع معين تروحين تملين دولابك منه ..
خليه يشوفك بحالات مختلفه مو يشوفك على نفس الحاله ..

عرايس نعناع ..

الحين وبعد ماشرينا قمصان النوم ..

كيف نهتم فيها .. كيف نغسلها وننكويها ونعلقها و نحطها بشنطة السفر ..!!

اوكي حبآيبي انا بقول لكم اشياء عرفتهآ من خلال جولتي هنا بالمنتديات ونصآيح بعض البنآت ...

*الغسيل:
معروف ان قماشها خفيييف + ماراح تتوسخ لا بأكل ولا بشرب
ماتحتاج نشاف لأنه بيهريها+ وبعد ما تحتاج لغساله
بكذا ماراح تحتاج الا تنقيعه خفيفه بشمبو او اي صابون زي اريل وافركيه على يدك واعصريها وانشريها

*الكوي :
طبعا بكوايه البخار مناسبه لها اما الكوايه العاديه ممكن لو كانت حاره مره تمسك فيها وتشقها لك
وانتي اذا غسلتي انفضيها زين وعليها بمعلاق وماحتاج الا مر خفيف عليها بكوايه البخار

*اما كيف بتحطينها بشنطه السفر :
لفيها زي الشاورما وحطي شريطه عليها لأن حتى لو سفطتيها ببتعفط

*اما كيف تكوينها بالسفر :
اغلب الاوتيلات يحطون كوايه بخار او تطلبونها
واذا مافيه ياتشترين كوايه كبر اليد - او زي ما قالت وحده قبل كم رد تستعملين استشوار الحمام

نصائح مهمه العروس :


1-بعد شراء فستان الزواج مباشره يجب تعليقه على شماعه مناسبه
وتركه معلقا لكس تختفي منه كل التجاعيد التى قد تكون موجوده فيه ..

2-ضعي بعض اوراق الورد المجفف في خزانه فستان الزفاف ..و
و بين الملابس الداخليه و قمصان النوم...

3-لا تنسى ان تشتري ثوبا او اكثر للسهرات حتى لا تتفاجئ بعدم
وجود قطعه لائقه لديك عند الحاجه...

4-عندما تتجهزين احرصي على شراء الشنط والاحذيه التى تتناسق مع ثيابك.

5- يجب ان يتغير نمط ملابسك من السبور المطلق الى السوبر شيك
مثلا جينز مع قميض راقي او تونر ه قصيره وحذاء ذو كعب عال..

6-عندما تتجهزي تذكي انه سيكون لديك مجموعه كبيره من المناسبات
وانك ستكوني محط الانظار فيجب ان يكون لديك اكثر من تايور في منتهى
الاناقه وبألوان باهيه من بينهم واحد ابيض واخرى زهر,,

7- اذا انتهيت من عمل بروفه المكياج مع الكوافير
اطلبي منها ان تريك لون ونوع الروج الذي سوف تستخدمه لك
واذهبي لشرائه واجعلي اختك تحتفظ به مع بودره وعطر في حقيبتها
يوم الزفاف.. لأنك ستحاتجين بعد جلسه التصوير والسلام على المدعوات
الى اعاده وضع الروج والعطر و واعاده الاضاءه لبشرتك بالبودره..


8-حاولي ان تشتغلي جلسه التصوير بأن تجعلي احدى اخواتك الصغار
تحمل كاميرا عاديه وتلتقط لك الصور اثناء التصوير مع المصوره
وبذلك تحصلين على صور رااائعه لوجود خلفيات المصوره واضاءتها
وكأنها صوره محترفه...ويكون لديك صور عديده مع صور المصوره
التي عادة لا تتجاوز 40 صوره..



نصائح خفيفه :

1-بعد الزواج سيكون شعرك عرضه للتلف بكثره الاستحمام
لذلك حاولي ان لا تغسليه كل مره بالشامبو والبلسم
مره شامبو وبلسم , المره الاخرى بلسم فقط , المره ا لثالثه قناع فقط
لانك لاتحتاجين لأعاده تنظيفه في يوم واحد اكثر من مره..


2- -اذا كان موعد دورتك الشهريه بعد زفافك بوقت قصير, يفضل أن تستخدمي
الفوط الصحيه التي تأتي معها اكياس صغيره ..وبعد كل أستخدام
احرصي على ان تضعيها داخل الكيس الاسود الصغير
ثم ترميها في سله المهملات حتى لا تقع عينا زوجك عليها..وينفر منك و
من عم اهتمامك بالنظافه


3- لا تنسى غسل وجهك وترطيبه وازاله المكياج عنه
حتى لو كنتي منهمكه وتودين النوم لان ذلك سؤيثر على بشرتك
ويسبب لك البثور التي انتي في غنى عنها ولا تتناسب مع
وضعك الجديد يا أحلى عروس فهناك شخص بجوارك يراقبك


4- معروف ان شهيتك للطعام ربما تزيد نوعا ما بجوار العزير الغالي
انما احرصي على عدم الأكل المفرط
حتى لا تعودي من شهر العسل وتبدأي حميه طويله انتِ في غنى عنها





:



والحين وصلنا لَ أخر الموضوع اللي أتمنى أنه يفيد جميع العرائس
مع العلم أني : للحين ماتزوجت [ دعوآتكم بتسهيل امور الزوآج ]
...
لكن مساعده لعرايسنا , وبالذآت عرايس 1432هـ ...
والله يتمم لنآ على خير يارب
واللي عندها أضافه لاتقصر عرايسنا محتاجين هل أشياء
ولا عندهم الوقت الكافي يبحثون عنه


اللي يعجبها موضوعي تقيمني

أنتهى .
اختكم
اميرهـ بآخلاقي..!

يعطيك العافية
تسلمي يا قمر
بجد انت نموذج للمرأة العصرية الراقية
بس انصدمت لما عرفت بعدك ما تزوجتي
لان المعلومات قيمة ومفيدة جدا وما تذكرها الا وحدة
مجربتها وتعمل بها
اجمل عبارات الشكر والتقدير لك مني تقبلي مروري واعجابي بطرحك المميز
واحلا تقييم تستاهلي الخمس نجوم

بسم الله ماشاء الله
اختيار راائع جدا
موضوع شامل كامل من الألف إلى الياء
مشكوووره أختي اميره الله يعطيك العافيه
بوركت جهودك وجزيتي خيرا
بنتظار جديدك المتجدد
دام تميزك وعطائك ودمتي بحفظ الله ورعايته
رنيــم

منورين فديتكم انا
لاعدمنا هاطله الحلوهـ ياغوآآآلي

روعه الموضوع ومتعب عليه

تسلملى يا فمتو

يعطيك العافيه أميره

مجهودك رااائع وموضوع مفيد تسلم إيدينك

لاحرمنا الله منك

منورين حبايبي بمروكم الرائع
لاعدمنا هاطلة الحلوووه,,,