مواقف ترفع الضغط

أرجو من عنده زياااااااااااااااااادة عليها المشاركة لنرى ما اسباب أرتفاااااااع الضغط

الأشياء اللي ترفع الضغط كثيرة ... ومنها مايلي :



· أنك تشرب ببسي حار

· أنك تصلي وأنت لابس شراب مشقوق

· أنك تعطي أخوك سيارتك ... ويرجعها والتانكي فاااضي

· أنك تدخل المسنجر .. وما تلقى ألا اللي ماتبيهم

· أنك تـتـفاهم مع رجل امن سعودي

· أنك تناظر مباراة على الأي آر تي وأنواع الحماااس وفجأة ينقطع الاشتراك

· أنك تلعب كوره وأنت حافي .. وتشوت غطا البياره

· أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

· أنك تعطي جوالك لواحد ويرجعه لك والرسايل محذوفه

· أنك تقوم من صباح الله وتروح للجامعة تمشي مليون .. وتلقى الدكتور معتذر

· أنك تقوم الصبح وتلقى معجون الأسنان مخلص

· أنك تنزل للبقاله وما تلقى عنده عسكريم جلكسي

· أنك تـَـشرق بالماء

· أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه

· أنك معك حزام أسود بالكاراتيه ويدعسك أفغاني

· أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

· أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه

· أنك تمسك خط مع أبوك وبسيارة وحده ولحالكم ( ههههه ترى أحيانا مو دايما هههههههه )

· أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد

· أنك تكتب موضوع طويييييييل وخصوصا للساحات ... وأذا جيت ترسله يطس .. مدري وين يروح

· أنك تكلم ويدق عليك واحد ويلقاك أنتظار ويقطع

· أنك تروح الحلاق وينتف شنبك ( وجه متغبي أسبوع )

· أنك تسمع أسم عايلتك من واحد حجازي ( يا حبي لربعي في الحجاز والله )

· أنك تغص ولاتلقى أحد يطق ظهرك

· أنك تتفرج على اجتماع دول مجلس التعاون الخليجي

· أنك تصير أمام لجماعه ... وبالركعة الثانية تذكر أنك منتب على وضوء

· أنك تلبس نظاره وسخه

· أنك تشوف فـلم .. وواحد جنبك يقولك القصة

· أنك تمسك خط وفيه ذباب بسيارتك وأنك تفتح الدريشه ولا يطلع

· أنك تدخل حمام ماله قفل

· أنك تاكل حنيني بارد

· أنك تدور شغالتكم باندونيسيا <-- الله يخليهم كلهم يشبهون بعض ( يخلق من الشبه مليار )

· أنكم تلعبون كوره بالبر وتطيح عارضتكم ( باب القوووول )

· أنك تسوي فيها متابع مع الدكتور وتتوهق ويسألك سؤال وماتقدر تجاوب



في النهاية أتمنى انني ما رفعت ضغطكم زي المواقف اللي فوق