اكيد ال علاقات بشكل عام مش مثالية ومافيش علاقة مافيهاش مشاكل, والعيوب والمشاكل دي هي اللي بتدي ديناميكية او حياة للعلاقة لما بيكون في شد وجذب ونقاش واختلاف في بعض الاحيان دي حاجة صحية للعلاقة, لكن لما تحسي انك اتغيرتي او حاسه بفتور في العلاقة دي علامة او اشارة تقولك انك بدأتي تفقدي اهتمامك بيها, والنهاردة هنقولك 10 علامات تقولك انك فقدتي الاهتمام في العلاقة.
علامات تقولك انك فقدتي الاهتمام في العلاقة:
1- هتبطلي تغيري زي الاول:
الغيرة اكيد مش حاجة كويسة في العلاقة خصوصا لما تكون زيادة عن اللزوم, لكن طبيعي اي واحدة هتغير لو شافت الشخص اللي بتحبه بيتكلم مع واحدة تانية حتى لو مجرد محادثة عادية جدا هتبدأي انك تعملي رد فعل للموقف ده وتبعدي الشخص اللي يخصك او اللي انتي مهتمة بيه عن اي واحدة تانية, لكن لو فجأة لقيتي نفسك مش ف ارق معاكي اي واحدة تيجي تكلمه او مش بتحسي بغيرة لما زميلته في الشغل مثلا تبعت له رسالة او حتى مش بتلاحظي ده, في الحالة دي اعرفي ان في حاجة اتغيرت وانك بدأتي تفقدي اهتمامك بيه.
2- لو بتردي على رسايله بكلمة واحدة:
ده يعتبر سلوك مش عادي من اي بنت لان ال بنات عادة بيحبوا يحسوا بالتواصل بشكل دايم مع الشخص اللي مرتبطين بيه, عشان كده في الحالة دي لو بتردي على رسايلة او بتتواصلي معاه بشكل قليل يبقى انتي كده فقدتي الاهتمام بعلاقتك.
10 حاجات بتعمليهم تقولك انك فقدتي الاهتمام في العلاقة ولازم تنهيهاعلامات تقولك انك فقدتي الاهتمام في العلاقة
3- مش بتهتمي انه مشغول:
لما يكون مشغول او معندوش وقت كبير ليكي ومع ذلك ده مش ف ارق معاكي او مش حاسه انك مضايقة دي اشارة بع دم الاهتمام بالعلاقة, لان اي بنت عموما مش بتحب اللي مرتبطة بيه اي حاجة تانية تشغله عنها او تحس انها مهملة وتعتبر دي من اكتر الشكاوي اللي ممكن اي بنت مرتبطة تشتكي منها هي عدم الاهتمام من الشريك, لكن لما تبقي مش مهتمة دي علامة واضحة انك فقدتي اهتمامك بالعلاقة.
4- مبقتيش عاطفي ة معاه زي الاول:
البنت بطبعها حنينة وعطوفة ولما بترتبط مش بس بتبقى حبيبة كمان بدور بدور الام وبتهتم بكل تفاصيل الشخص اللي مرتبطة بيه, لما تلاقي ان ده مبقاش موجود في العلاقة اعرفي انك بدأتي تفقدي الاهتمام بيها وان مشاعر ك اتغيرت.
5- مش بتحبيه يشاركك اي حاجة:
لو حسيتي فجأة انك بقيتي عايزة تعملي كل حاجة بنفسك ومش محتاجة منه مساعدة, وبتفضلي انك تبقي لوحدك على انه يشاركك وقتك, يبقى دي اكيد اشارة انك فقدتي اهتمامك بالعلاقة.
10 حاجات بتعمليهم تقولك انك فقدتي الاهتمام في العلاقة ولازم تنهيهاعلامات تقولك انك فقدتي الاهتمام في العلاقة
6- مش بيزعجك او بيضايقك تصرفاته:
لما يعمل تصرف يضايق او ينسى حاجة معينة خاصة بيكي العادي لو انتي بتحبيه او مهتمة بتشتكي وتضايقي وتعملي مشكلة, لكن لما تلاقي نفسك التصرفات دي مبقتش تضايقك او تفرق معاكي وبتعدي الموضوع عادي, ده معناه انك مبقتيش مهتمة بالعلاقة.
7- مش بتضحكي معاه زي الاول:
في العادة لما بتكوني مرتبطة بشخص وبتحبيه ومهتمة بيه, اقل حاجة بيقولها ممكن تضحكك, حتى لو حاجة متضحكش بردو بتضحكي لانه بتكوني حابه كل حاجة منه, والبنات بشكل عام بتنجذب للشخص المضحك او “الفرفوش” وبتكره الراجل النكدي, لما تلاقي نفسك انه ده بقى مبيحصلش ومبقتيش تضحكي معاه زي الاول مهما عمل, على عكس مثلا لما بتكوني مع اصحابك او زمايلك في الشغل دي علامة انك فقدتي الاهتمام.
8- مبقتيش تحسي بألفة ومودة ناحيته:
اكيد الالفة والمودة هتحسيها اتجاه الشخص اللي انتي مهتمة بيه وبتحبيه, لما تلاقي نفسك انك بطلتي تحسي ده من ناحيته و العاطفة قلت يبقى اكيد دي علامة انك فقدتي الاهتمام بيه وبالعلاقة.
10 حاجات بتعمليهم تقولك انك فقدتي الاهتمام في العلاقة ولازم تنهيهاعلامات تقولك انك فقدتي الاهتمام في العلاقة
9- بتبطلي تشاركيه مشاكلك:
لو حس انك مضايقة او عندك مشكلة وحاول انك يتكلم معاكي فيها ويشاركك في حلها, هتلاقي نفسك بتقولي له انك كويسة ومش هتبقي عايزة تشاركيه مشاكلك, ومع ذلك تصرفاتك معاه هتكون عكس كلامك, دي علامة انك مش عايزة تعملي اي حاجة في العلاقة دي عشان تس تمر , وده معناه اكيد انك فقدتي الاهتمام بيها.
10- مش بتعتذري لو غلطتي:
لو غلطتي في حقه او جرحتيه باي شكل مش بتحسي بالندم على تصرفاتك ولا بتحاولي تعتذري, بعكس قبل كده على اقل حاجة ضايقته منك كنتي ممكن تعتذري لانك كنتي عايزة العلاقة تستمر, لكن دلوقتي بطلتي تهتمي بده ومش بيفرق معاكي انه يفضل زعلان, اكيد دي علامة واضحة انك فقدتي الاهتمام بالعلاقة.
10 حاجات بتعمليهم تقولك انك فقدتي الاهتمام في العلاقة ولازم تنهيهاعلامات تقولك انك فقدتي الاهتمام في العلاقة
في النهاية لو لقيتي نفسك بتعملي بعض الحاجات دي او كلها, يبقى لازم تراجعي حساباتك في العلاقة دي وتواجهي الحقيقة وتاخدي فيها قرار انك تنهيها لانها بالفعل هي انتهت بالنسبة لك بس انتي مش عايزة تواجهي الحقيقة.
10 عادات ممكن تدمر علاقتك مع شريك حياتك لازم تتجنبيهم
10 حاجات بتعمليهم تقولك انك فقدتي الاهتمام في العلاقة ولازم تنهيهاعادات ممكن تدمر العلاقة اسباب لانهاء العلاقةانهاء علاقةانهاء علاقة الحب علاقات علامات تقولك انك فقدتي الاهتمام في العلاقة نصائح علاقات
09-29-2018, 10:34 PM
10 حاجات بتعمليهم تقولك انك فقدتي الاهتمام في العلاقة ولازم تنهيها
(إظهار)
الاعضاء الذين قاموا بقراءة الموضوع منذ 10-24-2024, 07:03 AM
(تعيين) (حذف)
العرض الشجري