بست قرين ربي يشفيك

قالوا مريض وقلت : "فيني ولافيـه"
ياعزة الله كيف ذاك المرض جاه ..!!


كيف الألم يدمي فـواده ويدميـه؟؟
ليت الألم ياناس شخـص اترجـاه’’



برجيه رجوه بخيـر حالـه يخليـه
وان كان وده علتي قلـت : محـلاه


لاجله بشيل العوق عنّـه واراعيـه
واصير من بد الخلايـق أنـا دواه "


لأنه عضيد الـروح والقلـب يغليـه
’’ما ودي انه لحظة ٍ يشكـي الآه’’


لو كان بيدي فـي عيونـي أداريـه
وتشيله جفوني وتغمـض وتنسـاه


ياذا المرض عجـل دخيلـك تعديـه"
خل التعب لا يهـد حيلـه ويصـلاه


مأجور يامـن بالنواظـر نساويـه
يالله عسى من الشر يسلـم محيـاه