خطوات بسيطة لجمال بشرتك

السلام عليكم و رحمة الله و بركاته

كيفكم ي بنات إن شاء الله بخير هذا أول موضوع ليا يارب تستفيدوا منه
إمكن الخطوات بسيطة بس نسبة كبيرة من البنات تتهاون فيه و بعدين تجلس تشتكي من الحبوب و غيره
من مشاكل البشرة بس قبل من نبدأ الخطوات لازم تحددي نوعية بشرتك اذا هيا دهنية
او جافة او مختلطة عشان تعرفي كيف تتعاملي معاها .


1 - الغسول اليومي :

التنظيف مهم جدا للبشرة حتى تتخلص من الاوساخ و الاتربة اللي تتعلق بمسام بشرتك وطريقة استخدامه مرتين ب اليوم بعد م تصحي من النوم و قبل م تنامي تستخدمي الغسول اللي يناسب بشرتك .

2 - تنشيف الوجه :

لما تنشفي وجهك لازم يكون بمنشفة او منديل نظيف وناعم و انتبهي تفركي فيه ببشرتك
راح تأذيها وتسببي لها التجاعيد لازم برفق كأنك جالسة تطبطبي عليها .

3 - الماسك :
بشرة جسمك و خاصة الوجه محتاجة للعناية و التغذية تقدري تسوي ماسكات طبيعية ب البيت او تشتريها
جاهزة من الصيدلية على راحتك بس أهم شي تجربي الماسك على جزء صغير من وجهك عشان تعرفي
اذا بشرة وجهك بتحسس منها أو لا وتخليها أقل شي ربع ساعه و أكثر شي نص ساعه .

4 - التونيك :

تقدري تستغني عن الخطوة ذي ، فايدتها :
- يقبض المسآمآت المفتوحه
- يزيل الآملآح المعدنيه من البشره
- يوآزن البشره ويرطبهآ
- يزيل المكيآج
- ينظف البشره من آلدهون
تحصلي منها ب الصيدليات و تقدري تكتفي برشة موية ورد باردة على وجهك .


4 - الكريم :

لما تشيلي الماسك من وجهك لازم ترطبي وجهك حتى لو كانت بشرتك دهنية راح تلاقي كريمات خالية من الزيوت مناسبة للبشرة الدهنية حتى تحمي وجهك و تقلل من ظهور التجاعيد .

5 - المقشر الاسبوعي :

التقشير جدا مفيد اذا استخدمتيها ب الطريقة الصحيحة اللي هوا مرتين او مرة وحدة ب الإسبوع فقط لانها بتشيل الجلد الميت و تجدد البشرة و تساعد انه البقع تختفي و كثرة التقشير ماراح تفيد بشرتك ب العكس راح تضرها .



و لازم تحطي في بالك مهما إعتنيتي بوجهك من برا و م إهتميتي ب الأكل الصحي و شرب الموية و النوم الكافي ماراح تستفيد بشرة وجهك الا نسبة قليلة .