[align=center] بسم الله الرحمن الرحيم
السلام عليكم ورحمة الله وبركاته
مع اشراقة الصباح وتغريد الطيور ورحيق الازهار و الشمس الساطعة
نبدا اذاعتنا لهذا اليوم <<< كاني مسكت خط مدرستي ؟؟ يع
المهم انا جيت قبل اسبوع او اسبوعين يمكن وكنت بالشات
بعدين قالت لي اختي ليالي نجد ليش ماتسجلين معنى بالمنتدى اول شي انا اعتذرت
بعدين حلفت علي وقالت علي الطلاق ماتروحين الا وانتي مسجلة معنا <<< لاتصدقون كل شي عاد
بعدين هي سجلتني عندكم ماقصرت والله وشهادتي فيها مشقوقة
بعدين عاد حاولت اكتب لكم موضوع ترحيب يوم سجلت بس الله لايوريكم
طلع شي بايخ كانه فلم مرعب انا كنت بسوي في الموضوع الوان وحركات
بس للاسف خاب ظني فقدراتي المنتدياتيتية <<< عرفتوا تقرونها صح؟؟
بس بعد ما بدت الفلسفة الله يصلحني طلع مالم يكن بالطلعان !!
قصدي حسب مالم يكن بالحسبان !!
صار الموضوع كانه سماط الفطور اذا رحنا البر
انواع الشخابيط والحوسة والكبكبة ارقام وشفرات وحروف مدري من وين جت
المهم عاد جاء مشرف اجودي وصلح كل شي بعدين ماعجبني الترميم
احس الموضوع بايخ بقوة ولايترقع فقلت لهم تدري عاد احذفه بعدين يصير خير
وحذفه وماقصر وحتى هو شهادتي فيه مشقوقة مثل اختنا في الله ليالي
يؤيؤيؤيؤيؤ وش بلاني طولت بالموضوع والله استانست وانا اكتب ونسيت ان عندكم مواضيع ثانية غيري
بس تدرون عاد
اذا فيه احد منكم فاضي يعلمني اشخبط له مواضيع كلها سواليف ايام البادية
تصبحون على خير[/align]
06-05-2006, 08:44 AM
ـ::ـ نعناعة حب ـ::ـ
(إظهار)
الاعضاء الذين قاموا بقراءة الموضوع منذ 11-10-2024, 03:43 PM
(تعيين) (حذف)
العرض الشجري