برجر نباتي

السلام عليكم
كيفكم يا حلوين
يارب تكونو بالف خييير

اليوم طبقي نباتي
مع العلم انا مو نباتيه بس حبيت اجرب اكل النباتيين
واكتشفت انه جدا لذيييييذ بصراحه
وهالاكله ادمنتهاا ماصرت اكل همرجر لحم او دجاج

طعم الهمرجر
غريب بسس جدا لذييييييذ وبعد صحي وهذا اهم شي
يعني اللي ماياكل خضار كثير تنفعله الهمرجر هذي
لانو فيها تقريبا 5 انواع من الخضار
ومتاكده راح تعجبكم نباتيين او مو نباتيين

ونبلشششش بسم الله

المقادير

جزرتين وسط مبشوره
عودين بصل اخضر مقطع
حبه وسط فلفل رومي (يستحسن يكون الاحضر او الاحمر) مقطع مربعات
شوية بقدونس او كزبره اللي موجود عندك مفروم
كرفس ربع عود ومع شوية ورق (اختياري)
بيضه
ملعقتين كبار طحينه

كوب برغل خشن او ناعم اللي تبين
كوب حمص مسلوق

* والكميه تكفي 6 اذا كانت الهمرجر كبار اذا صغار 10 *

الطريقه

اول شي نحط البرغل ف مويه حاره تقريبا ربع ساعه ( اذا كان خشن حطي نص كوب لانه يكثر - انا حطيت كوب وصار كوبين اما اذا ناعم حطي كوب)
بعدها صفيه من المويه زييييييييين الناعم راح يعذبك شوي يعني لازم تصفينه قبل ماتبدين بفتره عشان تنشف المويه منه
وقطعي الخضار مربعات صغار والجزر ابشريه ناعم

الحين جيبي بولا حجمها وسط
وحطي الحمص والجزر واهرسيهم

بعدين حطي البرغل واهرسي لين تتجانس

بعدها ضيفي الخضار والبيضه والطحينه واخلطي لين تتجانس

وضيفي البهارات اللي تحبي واخلطي

اذا حطيتي البرغل خشن والخضار كبار حطيها ف البروسسر واخلطي تقريبا 3دقايق متواصله ورجعيه لنفس البولا اكيد مارح يكون متماسك مره ضيفي عليه تقريبا 4-5 ملاعق كبار خبز مطحون واخلطيه وحطيه بالثلاجه تقريبا عشر دقايق ربع ساعه عشان الخبز يمتص السوائل

بعد ماتطلعينه من الثلاجه جهزي الصاج و زيت الزيتون
وحطيه على نار مابين المتوسطه والهاديه وحطي تقريبا ملعقه زيت زيتون بس عشان تتحمر وخذي من الخليط مثل ماتحبي اذا تبيها كبيره او صغيره الافضل تخليها عريضه ششوي وحطيها ع الصاج تقريبا ثلاث دقايق لكل جانب واذا قلبتيها حطي شششوي زيت

لما تخلصين جيبي الخبز والخس واذا تبين طماط وكاتشب وتراها جدا لذيييييذه مع الكاتشب
يعني كثرو منه والجبن للي مو نباتيين

وشغلي الفرن

ادهنو الخبز بالكاتشب وحطو الجبن والخس وحطي الهمرجر ودخليها الفرن 3 دقايق

وبالعااااااااافيه

م\ن