عضو جديد مشتاق ***خشمه مزكوم ويشاهق

مساكم الله بالخير ياعضاء المنتدى شباب وبنات طيبين وطيبات معفنين ومعفنات << دايم يخرب برستيجه علشان السجع
اسمعوا مالنا بالطويلة نبي وحده قصيرة علشان اذا رحنا للسوق ماتطلع اطول مني وتفضحني ههههههههههههههههه
اقصد مالنا بالهرج الكثير يااخواننا ..
السالفه ومافيها اني عضو جديد وأبي ترحيب عميف عميف عميف <<< لااحظوا عميف متعوب عليها ياعيال رجاء حاولوا تشدون من ازري في اللغه كود اصير اطلق من ابو الاحمر الدؤلي

فأنا شاب وجهي يتكون من خدين وخشم اما العيون مانقدر نحسبها لاني طاق نظارة شمسية الحين <<< يرحم والدينك لاعاد تفكر

المهم استلموا قصتي من البداية لانني عضو جديد وياليت تسوون اسبوع تعارف بيني وبين أعضاء المنتدى علشان مااستحي منكم وألبس قدامكم مايوه اسلامي ههههههههه
<<< والله يا شكلهم بيطيرون موضوعك ويطيرونك انت بعد من المنتدى


اللي ابي اوصله لكم من خلال هذا الموضوع اني اول مرة اكتب معكم هنا وبما انها المرة الأولى حبيت اني ازعجكم وادوخكم بمقتطفات من سيرتي الذاتيه وطموحاتي المستقبلية << ايه صح صدقناك اول مرة

حيث اني كنت منحوس من البداية لأنه في يوم ولادتي بدأ صدام حسين بحربه مع ايران ويوم وصل عمري ست سنوات طلق فدغوش بنت خالتي حصيصة وفي اليوم اللي بلغت فيه خربها ابو عدي وهجم على الكويت وعندما وصل عمري مقتبل شبابي وعنفوان رجولتي مات جدي دليم وبعد ماخلصت من الثانوية دخل اخوي دورة عسكريه في حفر الباطن مدتها ست شهور وصرت طوال هالفترة انا اللي اتقضى للبيت اللي يبونه من البقالات والاسواق وعندما بدأ شنبي بالظهور على شاشة وجهي بدأ في داخلي احساس اني صرت رجل واقدر اغازل بدون مااخاف من احد وقدرت ولله الحمد على ترقيم وحده في سوق الغنم كانت حاطه فوق راسها البرسيم واتفقت معها على ان اكلمها الساعه 7 المغرب لان اهلها ينامون الساعه خمس العصر مثل الدجاج هههههههههههه وعندما كنت انتظر عقرب الساعه الصغير يوصل لثنعش وعقرب الساعه الكبير يوصل لثنعش بعد الا اعلنوا في القناة الأولى قيام امريكا بحربها ضد العراق وتجنيدي اجباري ( نصاب اصلا السعوديه مافيها اجباري )

هذي هي قصة النحس اللي لازمني منذو مبطي وبعد ماحكيت لكم عن النحس احب ان اعرفكم على نفسي علشان نتعرف على بعض عن قرب ونزيل الحاجز اللي بيننا

الاسم فيصل العالمي

العمر 23

السكن جده



العلامة الفارقه /
1_فلقه في نص الجبهة من خالد ناصر يوم كنت ابي آخذ فسحته

2_حولان في العين اليمنى بعد ماقبعت بماصورة يومي اطرد فأر في المجلس خخخخ

3_ رجولي الثنتين كلهن يسار

4_ مسمار ناشب في خدي اليمين من ايام الجاهليه ومفك عجل رابطه في اذني بالشطرطون على بالي انها تعطيني مسحة جمالية

الامنيات
امنيتي ان انادي النصر يجب بطوله (الظاهر انه موب جايب بطولات الا بعد الحرب العالمية الرابعه )


قبل لاانسى احب اقول ان هذا الموضوع برعايه
@شركة اخوي للمقاولات اللي من يوم فتحها ومافيه احد شرى من عنده ولاوقع معه عقد بس مايهم لان اخوي فاهم ان المقاولات رساله وفن وهو مايدري وين الله حاطه
@ عصيرات ( اشرب ولاتهتم **وان اعطيناك قل تم )
@ جوال مميز للبيع
<<< اقلب وجهك انت وموضوعك ياحفيد تشارلتون ( ماادري من تشارلتون بس احس ان اسمه رزه )

ياليت ترحبون فيني << بدري يالافغاني

مشتاق لكم حيل وجاي معي طرطعانات واكتتابات هههههههه