أنواع البنات ع المسن.....

أنواا البنوتاات عـــالمسن !!!


العاقله !!

لما تفتح ماسنجرها ماتكلم احد.. تنتظر الكل يرحب فيها وهي تبتسم وتقول شكرا..
واذا احد ارسل لها فايل او رابط اغنية حطت له علامة استفهام وتسكت نص ساعه
ماتكلمه..
ولما تكون متحمسه في الكلام.. تكتب كل كلمة في سطر وتضغط انـتر.. تخاف من
الاخطاء الاملائيه...
وضحكتها عبارة عن ابتسامه واذا كانت مستانسه وايد تحط ثلاث ابتسامات وراا بعض


المصلحجية !!

ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم
متواجده وساكته..
وتستخدم مشغول في الخارج.. واذا احتاجت مساعدة تجيك وتسلم عليك وتقول وينك من
زمان ماشفتك؟ شدعوه ماتسال علي؟
ترى اختي كل يوم تفتح ماسنجري واوصيها تبلغك السلام لاني مشغووولة حدي في
الدراسة.. لووووول حلوه الترقيعه
وبعد ماتخلص مصلحتها تقولك عن اذنك بروح اكمل مذاكره واختي بتقعد مكاني
لاتكلمها بليز لووووول.

الرسميـة!!

ترتب المجموعات الى قسم العائله و قسم الزملاء فقط.. طبعا مافيه قسم اصدقاء..
واغلب كلامها مثل.. احترم نفسك..
رجاءٍ هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت
عليها ترد وعليكم وتسكت..
ولما تعطيها اهداء تقولك شمعنا انا بالذات؟ لووول ياحياة الشقا.. واغلب وقتها
تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.


الهبلــة!!

هذي كل سوالفها ضحك.. وكل شوي تكتب نكته وتضحك بروحها.. وضحكتها طويله تقريبا
ثلاث سطور..
واغلب كلامها بالصور.. تستخدم كل صور الماسنجر بدلياتهاااا ما تخلص ..
وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. ينقالها متابعة الاحداث
العالمية خخخخخخ.
وكل شوي تغير الصورة الجانبيه.. والنك.. ولون الخط لوووول.



الدفشــة!!

تغيب أيام طويلة مآدري وين تروح وترجع فجأة.. وكلماتها مثل.. شخبار امك عساها
طيبة؟ يادلخ.. انقلع.. طير بس .. ابي فزعه.. لاتزعل من اوخيتك تراني ااتغشمر ..
ودايم تطيح الميانة.. وثقافتها ماتعدى المتوسطه.. وتفكيرها في البر والتقحيص
والتبتون.. وتمووت في اغاني خالد عبدالرحمن..( مو خالد ما يحب إلا البر يا ساااتر )..

وماتعرف من العطورات غير دهن العود ابوعشرين.. ولو كلمتها عن ماركة قوتشي او
ديور بتقولك مقاطعة الامريكان.. وضحكتها جذي هع هع هع
وتكتب بلون اسود لانها ماتعرف تغير الالوان هع.



البطــــة!!

طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر
والاندومي.. وقبل موعد العشا بساعه يكون مزاجها متعكر ودايخه و تسولف من غير
نفس..
ولما ينادونها للعشا تقفل الماسنجر بسرعة البرق.. لوووول وعادة يكون نكها
فراولة الكويت او شوكولاته أنيقة او رمانه مخصرة..ههههه
ودائما تتكلم عن تجاربها الفاشلة في الريجيم هع.. مستحيل تشوفها في النهار لان
الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها...


البريئــة!!

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة
تتأثر.. وكل يوم تسألك كم عمرك؟
تحب سبيس تون و(بينك بانثر)( ومنو ما يحب بينك بانثر ) هههه و تحب تسولف عن الأزياء والتسريحات.. تتواجد في
العصر و المغرب لانها تنام بدري.. ماعدا يوم الخميس طبعا هع
شعارها الدنيا حلوة.. احيانا تيك سكتة قلبية من غبائها ومع ذلك هي الاولى في
المدرسه.. لو قلتلها اسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع
بتخاف منك هع.

الشينـــة!!

اسمها الصجي نوره او ساره او حصه او عنبره او رقيه.. ويعايرونها في البيت ام
ضرس او الحولا او البطه او ام يـبهة..
وتيي الماسنجر تتميلح وتقول اسمي الجوهره أو مشاعل او فاتن او شهد او ريم..
ودايم تنتقد و مايعجبها العجب.. واذا شافتك مشغول انواع الهواش والسب واذا عطيتها ويــه انواع الهلاك تشووووف
تحتار كيف ترضيها.. تعطيها اغنية تقولك ماحب الاغاني.. تعطيها كرت تقولك انا مو
ياهل جدامك .. تشبه سنفور معصب كل شي يضايقها وكل شي يزعلها..
تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم
توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. أميرة.. الى اخره.


المتزوجـة!!

هذي ممكن تكون سبب في كرهك للزواج.. كل سوالفها عن مشاكل الزواج و علت
اعيالها.. وفجأة تقولك برب وتروح تصارخ على اعيالها وترجع
وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل
الماسنجر بويهك وتطلع من غير لاتقول باي لوووول..
اوقاتها مختلفه مالها وقت محدد.. وترز صورة اعيالها في الماسنجر ينقالها تحبهم
لوووول.. شعارها يازين حياة العزوبيه
نكها مثل المهمومه.. الجريحه.. المهاجره.. وتحب تسمع الكلام العاطفي وأغاني
عبدالحليم.. مزاجها متقلب مره تضحك ومره تبكي واحيانا تنام على الكيبورد d: