البراءة يا رســــــــــول الله من شر البشر

[align=center]البراءة يا رسول الله من شر البشر = ومن رجال دينهم صورة ولا فيهم ضمير
والبراءة من عقوق وشرك وإنسان كفر= ومن عباد باعوا الذمة بلا نفع وخير
والبراءة من نفاق ومن ضرار ومن ضرر= ومن نفوس همها الدنيا ومرماها قصير
يا محمد..يا نبي علم الدنيا الصبر=والله إن الصبر فينا فجره وقت مرير
يا محمد كل ضلع كان مجبور انكسر=وكل جرح في بدنا من عذابه يستجير
يا محمد ما بقى فينا ولا عرق خضر=ولا بقى في صدورنا إلا شهيق بلا زفير
انحنينا لين ساطتنا لواهيب القهر =وانتخينا ولا لقينا في دواخلنا نصير
فرقتنا حربة الماسون والظهر انشطر=و أشغلتنا لعنة الإرهاب واحترنا كثير
ولا اتفقنا،وكل شي واضح،وتكفي العبر=لا متى يا أمة الإسلام..ما فينا بصير
وين صرنا ،كل ما نكتب سطر نشطب سطر=ما كتبنا إلا صياح ولا شطبنا إلا زئير
لا يذين بخوف ما به لا فلاح ولا نصر= وتايهين بلجة العالم ،وقولة ما يصير
ما يصير إن النبي طه يهينوه البشر=ولا يصير إن الرسول يسيء ْ له شخص حقير
ولا يصير إنا نقول اللي حصل أزمة تمر=ولا يصير إنا نتغاضى، النبي شأنه كبير
النبي هذا الكريم اللي سقى العطشى نهر=والحميم اللي على هديه نجينا من سعير
النبي هذا العظيم الخالد بخلد الدهر=والنديم اللي على ممشاه ما ضاع الضرير
النبي هذا الحبيب اللي فديناه العمر=والقريب اللي سكن فينا وغلانا كثير
النبي هذا البريق اللي شرق منه الفجر=والرفيق اللي دفاه أشعل دروب الزمهارير
يا محمد والله انك فوقنا تاج وفخر= وأمتك يا أشرف الأشراف ما زالت بخير
ما جبنا،لكن الأيام دولات وصور=والسحابة تاليتها تنتهي بظلمات بير
وكل حق ولو يطول الوقت حق،وينتصر=مرت علينا فصول وباقي الفصل الأخير
اقروا التاريخ زين..تمعنوا يا أهل البقر=ولا تبيعون الضما ير وانتم أدرى بالمصير
من طغى لابد ما يلقى المهانة والكدر=ومن بغى..ربي على الباغي وله سوء المصير
اللهم صلي وسلم على سيدنا ونبينا محمد "صلى الله عليه وسلم"[/align]