[glow1=000000]
صدري رحب ياسع الدنيا وما فيها
لكن همومي كثيراتٍ وملتحمه
مثل "الرياض" الوسيعه في مساعيها
رحبه .. ولكن تضيق إن زادت الزحمه
والضيقه إليا تمادت .. قلت : يجليها
رب الملا والخلايق واسع الرحمه
وأبن آدم أكبر همومه لو يداريها
ما وسّمت وسْمٍ بصدره كما الوحمه
همٍ يجي له من أبعدها وقاصيها
وهمٍ يجي له قهر من دمّه ولحمه
وهمٍ يوافق رمد عينه ويعميها
وهمٍ يعكّر صفا جوّه ويقتحمه
وهمٍ يولّع غرابيله ويحييها
مثل اللهايب إلا من ولّعت فحمه
وهمٍ يجي كالبحر .. يلطم شواطيها
وهمٍ يجي كالجبل .. محدٍ قوى دحمه
يا الله يا خالق الدنيا ومفنيها
فرّج على عبدك اللي ضايقٍ واْحمه
من جايرات الظروف ومن بلاويها
إليا غدت بالقلوب البيض مزدحمه
[/glow1]
10-12-2011, 02:26 PM
(إظهار)
الاعضاء الذين قاموا بقراءة الموضوع : 19
(تعيين)
العرض الشجري