الفرق بين الشاب السعودي والشاب الاوربي

الفرق بين الشاب السعودي والشاب الاروبي ههههههههههه

--------------------------------------------------------------------------------


أولا :الطفل السعودي من صغره يعني في عمر أربع سنين يلعب بالتراب ويرمي بالحصى ...اما الطفل الأوروبي يلعب بالثلج ويسوي رجل الثلج واذا بيلعب مع اصحابه يرشهم بالموية ههههههههههههههههههههه

• ثانيا :الطفل السعودي اذا بدا يروح للمدرسة يصحى وهو يصيح ويصارخ وما يرضى الا يعطونه بسكوت كل شوي ..بينما الطفل الأوروبي يا حياتي أول يوم يروح للمدرسة وهو يضحك ويغني ومبتسم ..ويرجع يعلم أهله وش سوى في المدرسة

• ثالثا: الطفل السعودي في سن عشر سنين مطنش البنات ومو معطيهم وجه ..يا يلعب كورة يا يلعب بالشروخة ..واذا جت البنت يا حياتي تبي تشاركه صارخ في وجهها ( وخري هذي لعبة أولاد مو لعبة بنات روحي العبي بعرايسك ) بينما الطفل الأوروبي في سن عشر سنين يحسب حساب البنت معه قبل أي شي... ولا عمره يقول لها روحي العبي بعرايسك لا ياخذها لغرفته يوريها الألعاب والا يلعبون بلكمبيوتر

• رابعا : في سن 16- 20 الشاب الاوروبي اذا اعجبته بنت يروح يعطيها وردة ولا قطعة شوكولاته أو اسطوانة موسيقية يعني كرمز للأعجاب..بينما الشاب السعودي اذا فرضنا أنه أعجبته بنت مع أنه ما يشوف الا عباية ما يدرى وش تحتها ..يعطيها ورقة مشقوقة ..وصفرا معرقه من يده.ما يندرى وش عقبه ..مكتوب عليها رقم >>>قمة الرومانسية هههههههههههههههههههههههههه

• خامسا : الشاب الأوروبي اذا حب بنت يقوم يعلم أهله وناسه أن فلانة حبيبته ويصير ما يروح ولا يجي الا معاها ..بينما الشاب السعودي اذا حب واحدة يكتم الامر ليه مو علشان التقاليد لا علشان يقدر يغازل غيرها ..ويديت عشر..واذا علم أحد يعلماصحابه الصيع يعني انني مسحب بلبنات

• سادسا : الشاب الأوروبي اذا ذبحته الرومانسية خذ حبيبته في قارب على النهر وقام يجدف ويطالع فيها .. بينما الشاب السعودي اذا ازعجوه ربعه بأنه نصاب ولا يعرف بنات يصير همه يركب حبيبته في سيارة ويمر بها من شارع مظلم ويوقف عند بقاله كل أخوياه مسنترين هناك يعني شوفوني مركب بنت ...وعلى فكرة بعضهم يركبون شغالاتهم ويلبسونوهم عبايات الشكوى لله المظاهر خداعة. ههههههههههههههههههههههه

• سابعا: الشاب الأوروبي يجيب لحبيبته هدايا يا ورد يا ساعة يا عطر أو لعبة ...ويفرح اذا شاف حبيبته تستخدمهم ..بينما الشاب السعودي ما يعطي البنت الا قطعة الورقة اللي قلنا عنها من أول ( الرقم ) وبعدين يصير ياخذ منها وهي على نياتها تحط له كل يومين هدية في محل باسمه وهو يجي ياخذها .

• ثامنا: الشاب الأوروبي لا سمح الله لو تزاعل هو خويته ولا تفارقوا تلقاه يتحطم ويبكي ويقول أنا السبب انا اللي ماعرفت أصونها بينما الشاب السعودي ..اذا خويته انخطبت ولا طنشته وهو أصلا ماعنده نية يتزوجها يبدا يهدد ترى بأنشر رقمك ترى بأفضحك ..غير الازعاجات كل يوم وكل ليلة ..على جوال الضعيفة.

• تاسعا : الشاب الأوروبي دايما يسئل حبيبته ..حبيبتي وش رأيك أسوي كذا ولا أشتغل كذا ولا أدرس كذا بينما المحروس الشاب السعودي ما يسئل البنت الا سؤالين ..تحبيني ولا لا ...والسؤال الأبيخ ..صديقي يبي يتعرف على بنت ما عندك واحدة من خوياتك أعرفها على خويي ...تراه رهيب. صح؟ههههههههههههههههههه

• عاشرا..وآخرا وليس أخيرا: الشاب الأوروبي ينهي علاقته بالفتاة اللي يحبها بالزواج ويكونون أسرة سعيدة ... بينما الشاب السعودي ..لا يمكن و مستحيل وسابع المعجزات يحب بنت كان يعرفها الا يشطب على اسم عايلتها من البشرية ...ما بقى الا هي يتزوج بنت كانت تعرف عيال ...

هذي قد تعتبر اهم الفروق بين الشاب السعودي والأوروبي ولا لو بنحصي كان نعد ونغلط ..وفوق هذا كله لهم وجه يحكون فيه ويقولون ليه ما تحبوننا ..من شقارهم ولا عيونهم الزرق ولا وسامتهم واحترامهم للأنثى