هيا نتعلم كيفية تنسيق ملابس بناتنا الامورات

اول قطعة راح تكون الشورت بتكون حلوه على البنات الصغار مابين سن 3 الي 5سنوات
الشورتات تختلف على حسب الخامة فية الجينز وفية الشمواة وفية القطن والاالموديل تقريبا واحد راح ابداء انزل قطع واركبها على الشورت واشرح عليها مستعدين ياالله على بركة الله




















1- هنا الشورت جينز والميزة الحلوة الي فية ان كل الاالوان تناسبة بس فية شغلة حبيت اقولها لكم ان كل ماكان الجينز لونة فاتح مثل الي في الصورة يلبق لة اكثر شئ الالوان الفاتحة مثل الوردي الاصفر والابيض وغيرها
2-اخترت هنا البلوزة واسعة حتي البنات الصغار الي عندهم كروشة صغنونة تختفي وشرط اساسي في الشورت ان البلوزة ماتكون طويله بحيث ماتغطي الشورت
3- اغلبكم مايحب يلبس بناتة شورت لانة شوي كاشف لكن الحين طلعت فكرة اللينقز او الهيلهوب الصيفي الي تنلبس تحت الفساتين القصيرة والشورتات هنا اخترت لينقز لونة ازرق ومااخترت ابيض السبب اني ابي اكسر اللون لما راح اضيف لينقز او فيزون حسب المسمى على حسب لون البلوزة ماراح يطلع حلو
4- نجي الى الجزمة ممكن تضيفين جزمة سبورت وممكن صندل اوفلات هنا اخترت اللون الاصفر لانة يمشي مع الابيض والازرق وحتي اكسر لون الينقز وماننسي طبعا الجوارب اذا احترتي في الوان الجزمة ومالقيتي اللوان المقارب ممكن تشتري جزمة بيضاء سبورت وتشترين معها خيوط جميع الاالوان

5- نجي حق الاكسسوارت في السوق اشكال والوان مااعتقد انها مشكلة فية نقطة اخيرة وهي اذا كانت البلوزة سادة مافيها رسوم اونقوشات لازم اني اضيف لها عقد وهنا اخترت لها عقد اصفر حتي يمشي مع الجزمة

ان شاء الله الشرح واضح

- الشورت هنا غامق شوي والموديل حلو وخاصة الفيونكات الجانبية اذا حابة هاذا الموديل ممكن تعملية على اى شورت عندك تجيبن فيونكات ساتان او كروشية يااما اللون يكون ازرق على نفس لون الجينز او اي لون يمشي مع البلوزة بيطلع روعة بتحصلينها عند محلات ادوات الخياطه او ما اعرف الي تشترون منه ادوات واحتاجاتكم للخياطه او كيه فية نقطة مهمة نسيتها اذاكانت بنتك رجلها نحيفة خاصة منطقة الفخذ ابتعدي عن الجينز الغامق لان بينحفها زيادة


2- البلوزة هنا واسعة شوي تناسب الكل السمين تغطي عيوبة والنحيف تزيد حجمة
3-هنا اضفت لينقز ابيض لان الجزمة لونها ازرق ممكن اني اعكس لون الجزمة واخليها ابيض والينقز اخلية ازرق واغير خيوط الجزمة السبورت واخلي لونها ازرق
فية شغلة الاطفال من سن 3 الي 5او6سنوات الله يحفظهم حركتهم كثيرة فاافضل تلبسونهم جزم سبورت منها ارتب واسهل في


الحركة

4- الاكسسوارت استغنيت عن العقد والسبب ان البلوزة مشجرة فامافية داعي اني اضيف عقد
ممكن اكتفي بــ اى اكسسورات ثانية مثل ساعة شنطة نظارة اسوارة اوحلق اوفيونكات للشعر