مدآئن صآلح ... معلومآت + صور :-)

صبآح .. مسآء الخيرآت ع الجميع
نخش بالموضوع طوألي

بالبداية مدائن صالح تقع شمال شرق العلا ب15 كم تقريبا
والعلا تقع شمال المدينة المنورة ب380 كم
والعلا تقع غرب حائل ب225 كم

تمشي من طريق القصيم للمديطلعت للعلانة همن
تمسك طريق المدينة تبوك
الطريق من يوم تطلع من المدينة لمين توصل لخيبر سييد واحد وهالوصلة طولها 150 كم
وخطرة جدا لكثرة السيارات سواء الصغيرة أو الكبيرة وزيادة على كذا الطريق يمر بكذا قرية
ومشكلته يمر بمنتصف القرية
يعني وأنت ماشي بالخط ماتدري إلا ددسن طالع من يسار الخط رايح يمين وأبلش به
فلازم تكون سرعتك معقولة جدا وما تتعدى 80

بعد ما توصل خيبر يبداء الطريق يصير سايدين كل سايد مسارين
لمسافة30 كم ثم يجيك مفرق العلا تروح معه يسار وتجيك معاناة السايد الواحد ولمسافة 200 كم لمين توصل العلا


مدآين صآلح هي مجموعه من الجبال اتخذهآ الأنبآط أو مآيسمون بثمود أو قوم صالح مقابر لهم

فيه مركز شرطه بدآيه المدأئن تعطيك بطاقه احوآلك و الرخصه والإستمآره عشآآن يسجل آسمك بملف عنده







هذآ مدخل المدائن و تلاحظون الطريق الترابي اللي يمر فيك على بعض مقآبر







خلوني أنقل لكم الصوره الكآمله
الآثآر هذه عبآره عن غرف مبنية دآخل الجبأل وفيهآ بعض القبور
و العجيب أنك أول مآتدخل تحس بنسمه هوآ بآرده خصوصأ أن درجه الحرآره برآ كانت في حدود 35







كل غرفه بأبهآ له زخرفه معينه
و غالبآ كل الزخارف تتشآبه ماعدآ بعض التفأصيل الصغيره







الزخرفه هذه تتكون من عمودين ع الجنب ثم مثلث يعتليه مجسم لصقر أو نسر أو وجه أمرآه







لو تلاحظون تحت الصقر فيه وآحد شوشته ممعطه هذآ يسمونه حآرس المقبره
و فوق النسر فيه مربع منقوش عليه كمآ يقال أسم صآحب القبر آو آصحآب القبور



الآن نشوف صورة أحد الآبآر اللي كآن يعتمد عليهآ بعض الأنبآط


الغريب البئر محفور بأرض جبليه






دآخل محيط مدآئن صآلح بالجزء الشمالي منهآ فيه سكة الحديد القديمة اللي ع وقت الدوله العثمآنيه بس خلونآ نآخذ صور ع المآشي للمدآئن



منظر عآم للمحطه



آحد المركبآت دآخل المحطه







و من هنآ ينطلق القطآر .. حتى يصل محطه القطآرآت غرب المسجد النبوي



وهذه بركه مآء جمب المحطه





هذآ نهآيه التقرير .. آتمنى آنكم آستفدتو
سآمحوني ع الأطآله
شآكر لكم