Burberry Cake

السلام عليكم ورحمة الله وبركاته
اتركم مع الكيكة بس عاد اللي تسويها لا تنساني

طبعا الكيكة خليط كيكة بالشوكولاته من بيتي كروكر
اما الكريمه فهي برضو كريمه بيتي كروكر الجاهزة اللي بالفانيلا
اخلطي كمية كريمه بيضاء مع شوي من بودرة الكاكاو
او تقدري تخلطيها مع شوي من كريمة بيتي كروكر اللي بالشوكلاته الجاهزة
........................
الخطوط البيضاء...
هذه الكريمة الجاهزة بدون اي اضافات
......................
الخطوط البنية ...غالبا اسويها بكريمة بيتي كروكر اللي بالشوكلاته الجاهزة
بس هذه مسويتها بكاكاو هيرشي السايل
حطيته في قمع بلاستيك وسويت بيه وحسيته احلى في الطعم
.........................
الخطوط الحمرا
كريمه بيضاء مع شوي لون احمر من الوان الطعام
......................
الطريقة...

1}اول شي طبقة كريمة بيج .. وبعدين دخليها الثلاجه بس تجمد شوي الكريمة عشان ما تحوسك لما ترسمي الخطوط الباقية
2} ارسمي الخطوط البيضاء وخليها عريضة... لانك راح ترسمي الخطوط البنية فوقها
دخليها الثلاجه زي قبل بس تجمد شوي
3} ارسمي الخطوط البنية فوق البيضاء
4}واخر شي الخطوط الفوشية او الحمرة
..............................
طبعا الطبقة الاولى دهنتها بملعقة خاصة بدهن الكيك وممكن بالملعقة العادية
اما الخطوط فاستخدمت القمع .. بس النوع الاسطواني البلاستيك اللي له زي العود من ورى تضغطيه عشان تنزلي الكريمة
لان النوع اللي زي الكيس مخروطي.. احسه يحوس الدنيا
..............................
طبعا الكيكه افضل تخليها في الثلاجه لانها اذا كانت بره لفترة طويله بتذوب الكريمه

صحة وهنا على قلوبكم