نكات

فد يوم سعودي راح يزيَن عند حلاق سوري طلع اكرع ليش...؟؟؟
كلما يكله السوري شو رأيك .. يجاوب السعودي ... ما كصرت

مرة كردي شاف خروف ديذبحوه كال الله اكبر هذا هم مترجم ..

واحد طلع ويه مرته حتى تشتري حذاء .. هي تريد كعب عالي هو يريده فلات .. ابو المحل كله عيني دخليها براحتها , الرجال كله اخويه هو منو راح ينضرب بي اني لو انته ....


تحشيشات

- بمناسبة عيد الحب . وحده راحت لأبو مكتبه كالتله : عندك كارت مكتوب عليه
الى حبيبي الوحيد؟
كللها: إي موجود.
كالتله : انطيني 14 واحد .

- حشاش سأل صاحبه(هم حشاش)كله: وين رايح؟ كله: ما ادري. و انت؟كله: هم ما ادري. كله:دمشي لعد لنتأخر!

- حشاش عطس, صاحبه كح, كله:ليش تغير الموضوع؟

- استاذ كال للطلاب:اللي يحس نفسه غبي خلي يوكف, فـ كام طالب وكف. سأله الاستاذ: انت تحس نفسك غبي؟ جاوبه الطالب:لا استاذ بس استحيت اعوفك واكف وحدك!!!

- واحد سأل ابنه:لك ليش الاستاذ كاتبلك بالدفتر حمار؟ جاوبه:لا بابا هذا توقيعه.!!!

- واحد ديفيك على أبنه كله: أبني نابليون من جان بعمرك جان دائما يطلع الاول.. ابنه هم طلع محشش فجاوبه كله: بابا و نابليون من جان بعمرك جان امبراطور.

- مدرس سأل طالب: لك ليش متأخر؟ جاوبه: أستاذ مو ابويه جان ديضرب اخويه بحذائي....!!!

- جريدة بالناصرية ناشرين صورة واحد ديعبر رجال اعمى و كاتبين جواها (متى تنتهي هذه الظاهرة)

تحياتي