تحذير خطير بخصوص بعض أنواع المـكـيـاج

[align=center]السلام عليكم ورحمة الله وبركاته[/align]

حبيت بس أنبهكم بخصوص منتجات المكياج وهي :_

* إذا تبغي مسكارا اي نوع ( مكثفة - مطولة - مقوسة ) او زي ما نقول اثنين في واحد لا تاخذيها ضد المويه لأنه أي مسكارا ضد الموية يكون فيها مواد كيميائية بتسبب تساقط الرموش وضعفها .


* بالنسبة للأساس الكريمي المضغوط : ما يناسب إلا البشرة العادية والجافة أما الدهنية فما ممكن يزبط بالعربي خذي لك أساس سائل و بودرة جافة وزيدي سعر مشترياتك لا تدوري على تخفيض الإستهلاك .


* بالنسبة للروج الثابت اللي بالفرشة : ما أنصحك أبداً باستخدامة لأنه فيه مواد غير طبيعية بتسبب تشقق الشفايف وقتل خلايا الشفايف <<< اللي بتعطي الشفايف اللون الوردي واللمعان .


* الأكحال اللي بلمعه : أصلاً ما تعتبر أكحال هي آي لاينر كريمي خارج العين لإنه الكحل اللي بقلتر او كلين <<< لمعه ما ينفع يستخدم جوا العين خصوصاً للعين الحساسة .


* فيه نصيحة قبل استخدام الأساس يا ريت تستخدمي أساس الأساس أو اساس كريم الأساس اللي هوا منتج بيعمل طبقة بين البشرة وبين المكياج لحماية البشرة من الأساس إذا كان الأساس داخل في صناعته مواد عضويه .. ولا تسألوني عن اسمها لأني ماني عارف ايش معناها هاع .


* الأظلال الكريمية والأظلال السائلة بشكل عام : لاتحاولي استخدامها بدون مثبت للظل لإنه فيها محتويات غير طبيعية بتغير لون الجفون من اللون الرباني <<< الطبيعي إلى اللون الداكن فحاذري !!! .

* منتجات العين تستخدم للشفايف أما منتجات الشفايف لا تستخدم للعين انتبهي !!! .

* خافي العيوب : يا ريت إذا جيتي بتستخدمية وتبغى تغطية أعلى للعيب استخدمية قبل كريم الأساس وبعدوه بس قبل البودرة على طول علشان البودرة بتغطي لون الكونسيلر .



معلومات مفيدة وغيررررررر منقوله تصميم وإنشاء وأفكار Crying River .

شاكرين لكم ....