-•°•.•°•- مجبوس بالدجاج التندوري!! بالصور -•°•.•°•-

السلام عليكم ورحمة الله وبركاته


شخباركم ياحلوييييييين ؟؟ إن شاء الله يوعانييين


خلوني اراويكم طريقتي المتواضعه فالمجبوس ..


بس مب أي مجبوس !! لأ اليوم بنسوي مجبوس بالدجاج التندوري



هيـا إلى العمـل .........


-•°•.•°•- المقاديـــر -•°•.•°•-

علبتين دجاج تندوري
3 بصلات مفرومه
4 فصوص ثوم مهروس
كزبره حوالي قبضة يد
حبتين طماطم
بهارات(ملح_فلفل أسود_بزار)
عيش ثلاث أكواب
حبتين بطاطا


-•°•.•°•- طريقة العمــــــل -•°•.•°•-


أول شي بنسويه ..


بنقلي مكعبات الدجاج التندوري في شوية زيت .. وعقب مايجهز نقطع الحبه إلى نصفين ونحطهم على جنب


*بعدين نقطع البطاطا إلى مكعبات صغيره ونملحها ونخليها تفور في ماء مغلي .. إلى ان تنضج ،، ونحطها على جنب


والحينه بنحمس البصل مع الثوم في شوية زيت الين مايذبل


*وبعدين نضيف عليه مكعبات الدجاج المقليه ونقلبه ،،،


في هالإثناء .. انقطع حبتين الطماط إلى مكعبات ونحطهم في الخلاط مع الكزبره ونخلطهم ,,


*بعدين نضيف خليط الطماط على الدجاج ونقلبه وبعدها إضافة البطاطس المسلوقه مع التحريك ببطء علشان ماتنهرس البطاطا


والحينه يا دور البهارات (( على حسب الرغبه )) أنا حطيت ملعقتين طعام ملح ملعقه ونصف طعام بزار ملعقتين صغار بهارات حاره ملعقة صغيره فلفل اسود


*بعد البهارات نضيف العيش (المغسول من قبل) ونخلطه بشويش


وبعدين نصب ماي فوق العيش بـ ثلاث انشات ( يعني نغطي العيش بالماي ) بس مب واااايد وننتظره الين مايغلي


يوم نشوف الماي يغلي نغطي الجدر بقصدير ونحط عليه غطاة الجدر


ونحطه على نار هادية جداً لمدة 45 دقيقه


النتيجه:






و بــــالـــهـــنـــأ والشـــفــــأ فـــديـــتــــكم