افضل كشات البر للشتاء

اعتدنا الذهاب للبر ونتفقد بعض المحتاجين من الناس
المرة هذي الفئة المستهدفة
الرعاة
هذي فكرة ام يوسف يرحمها الله
الموضوع منقول عن بعض الشباب


نوعين شراب خفيف وثقيل / طربوش/سماعة اذان / مداسيس

بالطو وجكيت اثنين في واحد

+ بجامة + فوطة + شال

فراش

سكر / شاهي / دقيق / رز / تمر

جزمه الله يكرمكم

طحين والشاهي

الانطلاقة من عنيزة الحبيبه وكان خط السير تقريباً عنيزة .. قبه .. البعيثه .. الزبيرة.. سامودة .. لينه .. رفحا .. سكاكا .. الجوف .. حايل ثم العودة

بعض الصور للنومة اول يوم والاستعداد لبداية التوزيع

وهذه بعض الصور الي قدرنا نصورها لكم لأن صراحه كان الوضع لايسمح في الغالب

قصدي ان فيه بعض الاحيان يكون الراعي في وضع مأساوي يستحي ناخذله صورة

اما اذا كان مبسوط مثل الحبيب يكون الوضع عادي

مالقينا له الا هذا المكان ركب معنا حتى يدلنا على احد اقاربه راعي بالجوار

طبعاً ابو عبدالله موشط (مغرز بقوة) الموتر ومسمينه قش المصري لأنه يشابه احبابنا من مصر اثناء السفر هههههههه

بعض الرعاة يحسبنا نبيع فنجلس نفهم

وفي كل ذات كبد رطبة اجر ولله الحمد كان معنا كتب لغير المسلمين

تعبير مؤثر

وكتب للمسلمين ايضاً

بعض مساكن الرعاة

طبعاً بعضهم والله ثم والله في الشمال ولا معه الا بطنية مثل فراش المسكين وعادي يموت من البرد

يتوسد الحجر الله لا يقسي قلوبنا

انتبهوا للفراش

حزن

ثم فرحه

الهدف من الكشته انت تبي تاصل ناس ..الديرة عنهم بعيده والظروف اجبرتهم فلا تبخل عليهم من ماعندك

اذكر احد القصص اثناء التوزيع شفت اخ من احد الدول العربية راعي المهم سلمت عليه وسألته عن اوضاعة فلقيت رجليه متجرحة من ظاهر رجله ولبسه رث وعطيته الفراش والشنطة فمشيت من عنده فلمحت الرجال كأنه يبكي فرجعت لمه فسألته وش فيك ماقدر يتكلم فصراحه خميته رحمته فقال ابكي عشان مادري كيف اشكركم قلت ياخي حنا بشر وربي رزقك اشكر الرزاق الي ينعم علينا وله الفضل والمنه صراحه موقف ما انساه

ومن ضمن المواقف لقيت رعاة اثنين من النيبال واحد مسلم له يمكن شهر والثاني كافر وكان يدور كتاب عشان يدعو زميله للاسلام فكان موقف حلو جداً فتأثر النيبالي المسلم والكافر وكانت دفعه قوية عشان يدعوه

لوتعطس يمكن يشمتك عراقي بالعراق من القرب هههههههههه

جاكم المطر

ابو وتو استراحة محارب خخخخخخخخخخخ

ابو علي مدروخ

طيب القهوة زينة

احد يشوي الصبح مسكت غلط ههههه

جلست سمر قبل الوداع نشوفكم على الخير

الديزلية مستبسله بدروب لوهي طويله

نستودعكم الله

ولاتنسونا من صالح دعائكم لكل من شارك في هذا العمل واخص بالذكر الوالدة ام يوسف رحمها الله

جزاك الله خيرا اسعدني مرورك

نهى 20
عند إطلاعي على الموضوع
تذكرت الكشتات للبر والنوم في الصحراء والبرد القارس
لكنها متعة وترويح عن النفوس
أسعدكِ الله كما أسعدتنا بهذا الموضوع الرائع الشيق والصور الجميلة
سلمت يداك ودمت بخير

اقتباس : المشاركة الأصلية كتبت بواسطة معتصم [ مشاهدة المشاركة ]

نهى 20 عند إطلاعي على الموضوع تذكرت الكشتات للبر والنوم في الصحراء والبرد القارس لكنها متعة وترويح عن النفوس أسعدكِ الله كما أسعدتنا بهذا الموضوع الرائع الشيق والصور الجميلة سلمت يداك ودمت بخير

يا هلا بك
وانا احب البر والمطر والربيع

كلها متعة وتريح النفس

اسعدني مرورك ربي يسعدك

روووعه


شكرا لك على الاختيار الحلووو


تحياااتي