علوم البدو

/

مساء الأصالة


مماتصفحت اعجبني ومايغلى عليكم .



شوية قصص



امًي وابٍوي مالهًم غِير ظٌلِي..~ وّلا اّّلغظًي لادوٍر الظًل يلٍقآهـ.


تقول جدتتي دايم هالبيت وفي مواقف معينه ..سالتها عن سالفته بحكم اني هاليومين جالسه انبش معها السوالف القديمه


تقول جدتتي :

كان فيه رجال متزوجن له مره معروفه بالزين ..وكانت ساكنه عند امه المهم في مره من المرات كان فيه زي العزيمه ويوم راح لها الرجال وتعشى وخلص خذا معه قطعه لحم وحطها بجيبه وراح للبيت


ولما دخل الشق كانت امه وزوجته نايمين راح لزوجته وصحاها وقالها قومه جبت لتس هاللحيمه ابيتس تذوقينه المهم حرمته قامت وقالت: عطيت امك ..قال هو لا ..قالت طيب وكلتها..


قام الصبح مالقي زوجته ..
راح لاهلها يبي يرجعها قالت مارجع مع الي مايبر بامه ..مارجع معه ..
وبعد الوسايط والزحمه ..مانفع ..طلقها


وصار يجيها خطاب كثيير وكان شرطها تبي بيت لحالها وان مايكون له ام وابو ..او ماتسكن معهم
وكان لما يقبل هالشرط ترجع تهون تقول لا ..
لين جاها واحد كان وحيد اهله ويوم شرطت عليه قال هالقصيده ..



أشوف مسلوب الحشا مرسلٍ لـي رسالةٍ تجعلنـي أصخـي بفَرقـاه
إن كان ما صيـد الحبيّـب تغِلّـي ما أقبلك يالمرسول لا أنت ولا ايّاه

أمّي ليـا شافَـت زولـي تهَلّـي وألاّ الغضي لا شاف غيري تَحَلاّه !
ما أنسى سِنينٍ ديدَها سِقمـةٍ لـي وأركب على المَتنَين وأقول يا يـاه

دَور السِنة وبطنَهـا حِجـرةٍ لـي البَرْد ما أشوفه والحَر مـا أدنـاه
أمّي وأبوي ما لهـم غيـر ظِلّـي ومِن دَوّر الظِل يـا تـرف يلقـاه

الوالدَيـن لهـم بقلبـي مَحَـلّـي مَعروفهم طول الأيّام مـا أنسـاه

\\\\

ويوم سمعت هالقصيده وافقت على طول وقالت ان هالشرط مجرد اختبار ..





حظ الملايح بالارض طايح وحظ القبايح بالسماء لايح..

من السوالف بعد سالفه وحده شينه بالحيل وتزوجت لها رجال طيب ووسيم ..

وسبحان الله تعلق هالرجال بزوجته على شينها

كانت لزوجته

جاره مزيونه جميله بشكل لايوصف

وكانت تغار منها وتخاف زوجها لايشوفها ويتزوجها ويخليها..

وفي مره من المرات كانت هالزوجه وجارتها ببركه قريبه يغسلون فيها ملابسهم ..
وخذتهم السوالف واللعب وقررن انهن يتسبحن بالبركه
وهن يتسبحن مر زوج الشينه وخافت يشوف الجاره المزيونه ويعجب فيها

وسوت نفسها مغمى
عليها وراح تغرق وجاك الرجال طاير لا يمين ولا يسار
همه بس ينقذ زوجته وياخذها معه ..

ولا حتى عطى المزيونه نظره ..

استغربت المزيونه اهتمام هالرجال بزوجته مع انها شينه وهي احلى

وقالت صدق ..

حظ الملايح بالارض طايح وحظ البقايح بالسماء لايح ..




وِصِيِــــه.

تقول جدتتي كان فيه شيخ كبير وله ولد يوم حس بمنيته وصى ولده بوصايآآ..

قاله ..ياولدي لا تعطي سرك للحرمه ..ولا تخاوي امير..ولا تزوج العفن (الردي)..
وتوفى الشايب ..


واحتار الولد بوصيه ابوه ..مافهم وش الحكمه من هالوصيه ..

قال في نفسه بجرب العكس ..كود اني اعرف الحكمه ..

وفعلا زوج خواته وحده زوجها طيب والثانيه زوجها لعفن ..


وخاوى له امير ..
وكان لهالامير نعامه ..
جاء اخونا بالله واخذ هالنعامه الي غاليه جدا ع خويه الامير وخباها عنده ..
وراح لامه ومعه قطعه لحم


وقال يامه انا ذبحت نعامه الامير وهذا قطعه من لحمها
وتكفين لا تعلمين احد هذا سر بيننا
المهم امه كلت من هاللحم الي ماهوب اصلا لحم النعام


وراحت عند جارتها وقالت لها بقولك سر وعلمتها بالسالفه لين انتشر الخبر

وعرف الامير ان نعامته مذبوحه

وقلب قلبه على اخونا وطلب منه ديه هالنعامه وقال ابي 100 ناقه

راح اخونا لزوج اخته (العفن ) وقاله ابي فزعتك ابي 100
الرجال هنا تعذر وقال ماعندي الا هالتيس ..وعطاه هالتيس

ثم راح عند زوج اخته الثانيه (الطيب )


وقال ابي فزعتك ابي 100
الرجال هنا وقف وقفه مع نسيبه وجمع منه ومن ربعه 100 ناقه

المهم اخونا راح للامير ومعه الـ100 ناقه والتيس والنعامه ..وقاله انه ماذبح النعام بس كان يجرب وصيه ابوه

وقال له الوصيه المهم الامير سامحه ورجع له الـ100 ناقه محمله بالهدايا والقماش والزاد ..
اخونا رجع الحلال والهدايا لنسيبه الطيب ورجع التيس لنسيبه الثاني ..
وانقهر العفن وقال لو كنت ادري كان عطيته الي عندي ورجعن لي محملتنا بالهدايا..



هنا عرف قصد ابوه من الوصيه
ان الحريم من النوع الي مايكتم السر ..
لاتخاوي منهو اعلى منك لانه يستغني عنك بسرعه
واحرص على قربته الطيب ..

/


وسلامتكم

هنا عرف قصد ابوه من الوصيه
ان الحريم من النوع الي مايكتم السر ..
لاتخاوي منهو اعلى منك لانه يستغني عنك بسرعه
واحرص على قربته الطيب ..

هرج البدو ماتلقى مثله ياليت الزمان يعود يوما

يعطيك العاافيه كلاش

علوم البدوو وعلوم الحضر

الحكم موجوده عند كل شخص بس من يطبقها الحين ,,

يسلموووووووووووووووو مشاعر مبعثره
صح كلامك

يسلمو كلاشنكوف

بالمره روعه الحكمه

ومتل ماقالت مشاعر نجد حكم في هذا الزمان كثيره لكن قليل من ينفذها او يفعل بها

تقبل مروري

يسلموووووووووووووووووووووو علي مروركم الرائع

هنا عرف قصد ابوه من الوصيه
ان الحريم من النوع الي مايكتم السر ..
لاتخاوي منهو اعلى منك لانه يستغني عنك بسرعه
واحرص على قربته الطيب ..

/


وسلامتكم
وانت سالم وغانم



هههههههههههه ياربي والله الحريم ضعيفات !!!

كلام كله حكم

وعلم من غير دراسة على الفراسة والاصالة المتوارثة

تسلم ايدينك شقااوه


مبدع داائما عووافي