تعال نتصافح ونتسامح
[]ذكّر زين ولو تذكر ..
انا ما خنت
من اللي راح بالاول ..
انا والا انت ؟
من اللي حب ولا طوّل ؟!
من اللي عيّب الثاني ؟
من الجاني ؟
انا غلطان انا ما انكر
رجوعي كان متاخر
ولكنّك على بالي
ابد ما انساك يا الغالي
تعيش الروح في روحك
وتتمنى ..
تلاقي الردّ في بوحك
احبك لو تجي منّك
يبان الفنّ في فنّك
وتلقاني مع النسْمة
اذا ما قلت ذي الكلْمة
انا نادم على صدّي
وذي يدّي
بنتصافح ونتحوّل
بنترك دربنا الاول
ونطوي صفحة الماضي
ولا نشكي ولا نقاضي
ونحفر في جدار القلب اسامينا
وتتماسك ايادينا