منتديات نعناع - انا اهديك دوم

محتار ويش اهديك
يا بسمة زماني

لك
ولك
لو جاوَزَت نجم السما
يبقى السؤال

السؤال
اللي يحيّرني
على
باب التفاني

له جواب
ومن غلاتك
يستحال
ويستحال

لو هديتك
ضِعف
حجم الكون
ما نلت الأماني

الأماني
فوق
ضِعف الكون
يا
بنت الحلال

بان عجزي
والحرج يا بنت
لاحضانك
خذاني

يلتمس
منك الرضا
بعداد
ذرات الرمال

لك
ولك
لا بد اقدمها وفا
باسلوب ثاني

ودي
ادخل
قلبك الطاهر
بعربون الوصال

لك
جمال الحرف
يترنم
على رتم الأغاني

ترسم الحانه
دلالك
فوق
رايات الجمال

لك
مقام ٍ بالغلا
في داخلي
شيَّد مباني

تحتفي
بنزالتك
وتعد لك
برد الظلال

لك
سرور الروح
والفرحة
تعبّر بامتناني

للنصيب
اللي
جمعني فيك
من عقب الخيال

لك وفاي
وصدق ميثاقي
ولك
عطوى رهاني

( قلبي الحاني )
وهبته لك
رهان
بلا جدال

لك
غلا كلمة
سمعتيها
ورددها لساني

تاخذك
غصب ٍ عن اللي
يشتهيك
من الرجال

لك
بداية عشق
ونهاية ألم
واجمل تهاني

واصدق الدعوات
بالتوفيق
من
رب الجلال